Dinamalar

சென்னைக்கு வாய்ப்பு எப்படி ,  
 

சென்னைக்கு வாய்ப்பு எப்படி

மும்பை: 'டி-20' கிரிக்கெட் லீக் தொடரின் 'பிளே-ஆப்' சுற்றுக்கு முன்னேறும் வாய்ப்பு சென்னை அணிக்கு இன்னும் உள்ளது. இந்தியாவில், 'டி-20' கிரிக்கெட் லீக் 15வது சீசன் நடக்கிறது. இதுவரை நடந்த (மே 8) போட்டிகளின் முடிவில், 'ஐந்து முறை சாம்பியன்' மும்பை அணி 'பிளே-ஆப்' வாய்ப்பை இழந்தது. முதலிரண்டு இடத்தில் உள்ள லக்னோ, குஜராத் அணிகளுக்கு 'டாப்-4' இடம் உறுதி. அடுத்த இரு இடங்களில் தலா 14 புள்ளிகளுடன் ராஜஸ்தான், பெங்களூரு அணிகள், தங்களுக்கு மீதமுள்ள போட்டிகளில் ஒன்றில் வென்றால் போதுமானது.



சிக்கலில் சென்னை: 'நடப்பு சாம்பியன்' அந்தஸ்துடன் களமிறங்கிய தோனி தலைமையிலான சென்னை அணி, இதுவரை விளையாடிய 11 போட்டியில் 4ல் வெற்றி பெற்று, 8 புள்ளிகளுடன் 8வது இடத்தில் உள்ளது. 'பிளே-ஆப்' சுற்றுக்கு முன்னேற முதலில், மீதமுள்ள மூன்று போட்டிகளிலும் (எதிர்: மும்பை-மே 12, குஜராத்-மே 15, ராஜஸ்தான்-மே 20) நல்ல 'ரன் ரேட்டில்' வெற்றி பெற வேண்டியது அவசியம். அதன்பின் மற்ற போட்டிகளின் முடிவுக்காக காத்திருக்க வேண்டும்.



அடுத்து வரும் போட்டிகளின் முடிவு பின்வருமாறு அமைந்தால் சென்னை அணி 'பிளே-ஆப்' சுற்றுக்கு தகுதி பெறலாம். ராஜஸ்தான் (எதிர்: டில்லி, மே 11), பஞ்சாப் (எதிர்: பெங்களூரு, மே 13), கோல்கட்டா (எதிர்: ஐதராபாத், மே 14), டில்லி (எதிர்: பஞ்சாப், மே 16), மும்பை (எதிர்: ஐதராபாத், மே 17), குஜராத் (எதிர்: பெங்களூரு, மே 19), மும்பை (எதிர்: டில்லி, மே 21), ஐதராபாத் (எதிர்: பஞ்சாப், மே 22) அணிகள் வெற்றி பெற வேண்டும்.



இப்படி நடந்தால் சென்னை, பெங்களூரு அணிகள் தலா 14 புள்ளிகளுடன் 4வது இடத்தை பகிர்ந்து கொள்ளும். நல்ல 'ரன் ரேட்' இருந்தால், சென்னை அணி 'பிளே-ஆப்' சுற்றுக்கு தகுதி பெறலாம்.

Advertisement
உங்கள் கருத்தைப் பதிவு செய்ய

Login

forgot password? Enter yourpassword
(Press Ctrl+g to toggle between English and Tamil)
வாசகர் கருத்து
முதல் நபராக கருத்து தெரிவியுங்கள்!

‘நோ பால்’...‘வைடு’ சர்ச்சை தீருமா *வருமா டி.ஆர்.எஸ்., முறை

‘நோ பால்’...‘வைடு’ சர்ச்சை தீருமா *வருமா டி.ஆர்.எஸ்., முறை

மே 03,2022 மும்பை: ''சர்ச்சைக்குரிய 'வைடு', உயரமான 'நோ-பால்' தொடர்பாக 'ரிவியு' செய்ய வீரர்களுக்கு அனுமதி வழங்க வேண்டும்,'' என வெட்டோரி வலியுறுத்தினார். இந்தியாவில் ...
 ‘பிளே–ஆப்’ செல்லுமா சென்னை

‘பிளே–ஆப்’ செல்லுமா சென்னை

மே 02,2022 மும்பை: 'பிளே-ஆப்' சுற்றுக்கு முன்னேற சென்னை உட்பட 9 அணிகள் போட்டியிடுகின்றன. இந்தியாவில் 15வது சீசன் ஐ.பி.எல்., தொடர் நடக்கிறது. 'நடப்பு சாம்பியன்' சென்னை உட்பட 10 ...
‘தல’ வா... தலைமை ஏற்க வா... * தோனிக்கு வழிவிட்ட ஜடேஜா

‘தல’ வா... தலைமை ஏற்க வா... * தோனிக்கு வழிவிட்ட ஜடேஜா

ஏப்ரல் 30,2022 புனே: கேப்டன் பதவியில் இருந்து விலகினார் ஜடேஜா. மீண்டும் தோனி தலைமையில் சென்னை அணி களமிறங்க உள்ளது. இந்தியாவில் நடக்கும் 'டி-20' தொடரில் நடப்பு சாம்பியன் சென்னை ...