கால்நடைகளின் எண்ணிக்கை பல மடங்கு பெருகி வருகிறது. அவை விரும்பி உண்ணும் புற்கள், பசுந்தீவனங்கள் போதுமான அளவு கிடைப்பது அரிதாகி வருகிறது. கிடைத்தாலும் அதிக விலைக்கு வாங்க வேண்டிய கட்டாயம்.

எனவே, சத்துகள் நிறைந்த, விலை மலிவான மாற்று உணவாக எதை கொடுக்கலாம் என இந்திய வேளாண் விஞ்ஞானிகள் ஆராய்ந்தனர்.

இதன் விளைவு ராஜஸ்தான் மாநிலம் ஜோத்பூரில் உள்ள 'மத்திய வறட்சி மண்டல ஆராய்ச்சி நிறுவனம்' கால்நடைகள் விரும்பி உண்ணும் புதிய தீவனங்களை கண்டுபிடித்துள்ளனர். இதில் பீட்ரூட் முதலிடம் வகிக்கிறது.

இப்பயிர் 120 நாட்களில் விளையும். ஒரு எக்டேருக்கு 60 டன் வரை கிடைக்கும். குறைந்த தண்ணீரில் அதிக மகசூல் தரும். பல மாவட்டங்களில் இதை தேர்வாக பயிரிட்டு பார்த்தனர். அங்கெல்லாம் நன்கு வளர்ந்து அதிக எடையில் பலன் கொடுத்தது.

கறவை மாடுகள் விரும்பி உண்கின்றன. இதன் மூலம் விவசாயிகளும், கால்நடை வளர்ப்போர், கால்நடை துறையினர் பயனடைந்து வருகின்றனர்.

இந்த தீவன பீட்ரூட்டில் பல தாது உப்புக்கள், வைட்டமின்கள் மற்றும் பல சத்துக்களும் அதிகம் இருப்பதால் கால்நடை மருத்துவர்கள் பரிந்துரைக்கின்றனர். தொடர்புக்கு 'Driector, Central Arid Zone Research Institute Covt of India, Jothpur, Rajestan' அல்லது www.iias.gov.in

- எம்.ஞானசேகர்

விவசாய ஆலோசகர், சென்னை.

95662 53929