மாமல்லபுரம் அடுத்த பையனுார், கொட்டமேடு பகுதிகளில், சாமந்தி பூக்கள் சாகுபடியில், விவசாயிகள் ஆர்வம் காட்டுகின்றனர்.

இது குறித்து, பையனுார் விவசாயி, ஆர்.யுவராஜ் கூறியதாவது:

எங்கள் பகுதி மண்ணில், பூக்கள் சாகுபடி முடியுமா என, சில ஆண்டுகளுக்கு முன், பரிசோதனையாக முயற்சித்தேன். சம்பங்கி, சாமந்தி நன்கு வளர்ந்தன.

சம்பங்கியில் வேலை அதிகம்.

சாமந்தியை தொடர்ந்து சாகுபடி செய்கிறேன்.

முதலில், 30 சென்ட் பயிரிட்டு, பூக்கள் பூக்கும் முன், அடுத்தடுத்து, 30 சென்ட் வீதம் பயிரிடுகிறேன். 30 சென்ட் சாகுபடிக்கு, 60 ஆயிரம் ரூபாய் செலவாகும்.

காற்று, மழை பாதிப்பின்றி விற்றால், 1 லட்சம் ரூபாய் லாபம் கிடைக்கும். நான் சாகுபடி செய்வதை பார்த்து, திருப்போரூர், கொட்டமேடு பகுதியிலும், இப்போது சாகுபடி செய்கின்றனர்.

இவ்வாறு, அவர் கூறினார்.