சவுடு மண்ணிலும், மா சாகுபடி செய்வது குறித்து, காஞ்சிபுரம் மாவட்டம், வில்லிவலம் கிராமத்தைச் சேர்ந்த பட்டதாரி விவசாயி, பி.இளையராஜா கூறியதாவது:செம்மண் மற்றும் வண்டல் மண்ணில், மா பயிரிட்டு பல விவசாயிகள் வருவாய் ஈட்டுகின்றனர். சவுடு மண்ணில், மா சாகுபடி செய்ய, பெரும்பாலான விவசாயிகள் தயக்கம் காட்டும் நிலையில், நான், 10 சென்ட் சவுடு நிலத்தில், மா பயிரிட்டேன்.அதில், நன்றாக விளைச்சல் பெற முடிந்தது; கணிசமான வருவாயும் ஈட்டினேன். ஆகையால், 4 ஏக்கர் நிலத்தில், மா சாகுபடியை விரிவுபடுத்தியுள்ளேன். இரண்டு ஆண்டுகள் நிறைவு பெற்றுள்ளது. இன்னும் அறுவடை செய்யவில்லை. மா சாகுபடிக்கு இடையே, பூசணிக்காய் மற்றும் வேர்க்கடலை ஆகியவற்றை ஊடு பயிரிட்டு, கூடுதல் வருவாய் ஈட்டுகிறேன்.இவ்வாறு, அவர் கூறினார்.தொடர்புக்கு: 97515 64333.