நிகழ்ச்சியில் அத்துறையினர் தெரிவித்ததாவது:

உலக அளவில் தங்கத்தின் விலையை ஏற்கும் நாடாக இந்தியா இருக்கிறது. அதற்கு பதிலாக தங்கம் விலையை நிர்ணயிக்கும் நாடாக மாற வேண்டும்.

இதற்கு உள்நாட்டு சுரங்கத்துறை கைகொடுக்கும். அடுத்த பத்தாண்டுகளில் நாட்டின் தங்கம் தேவையில் 20 சதவீதத்தை உள்நாட்டு உற்பத்தியே கொடுத்துவிடும்.

போதுமான அளவுக்கு உள்நாட்டு தங்கம் உற்பத்தி, தங்கம் வங்கி முறை இல்லாதது ஆகியவற்றால், நாம் லண்டன் சந்தையின் விலையை சார்ந்து இருக்க வேண்டியுள்ளது. அடுத்த 2-3 ஆண்டுகளில் இந்தியா, உலகின் நகை மையமாக உருவெடுக்கும். தங்க நகை கொள்முதல் நேர்மையானதாக, வெளிப்படைத் தன்மை உடையதாக இருக்க வேண்டும்.

இந்திய தர நிர்ணய அமைவனம், தங்கத்தின் தரத்தை நிர்ணயிப்பதில் முக்கியப்பங்கு வகிக்கிறது. அதேபோல, ஓ.இ.சி.டி., மற்றும் லண்டன் புல்லியன் மார்க்கெட் அசோசியேஷன் விதிமுறைகளையும் ஏற்கலாம் அல்லது, அவற்றுக்கு இணையான தர நிலைகளை உருவாக்கலாம். அதேபோல, 24 காரட் தங்கத்தை இந்தியாவிலிருந்து ஏற்றுமதி செய்ய 2012- - 13லிருந்து தடை நீடிக்கிறது. அது நீக்கப்பட வேண்டும்.

இவ்வாறு தெரிவித்தனர்.