இது குறித்து, வர்த்தக அமைச்சகம் மேலும் தெரிவித்து உள்ளதாவது:

கடந்த பிப்ரவரி மாதம், நாட்டின் மொத்த விலை பணவீக்கம் 0.20 சதவீதமாக பதிவாகியுள்ளது. இது, கடந்த ஜனவரி மாதம் 0.27 சதவீதமாகவும்; கடந்தாண்டு பிப்ரவரியில் 3.85 சதவீதமாகவும் இருந்தது.

உணவுப் பொருள் பணவீக்கம், கடந்த ஜனவரி மாதத்தில் 6.85 சதவீதமாக பதிவாகியிருந்த நிலையில், பிப்ரவரியில் 6.95 சதவீதமாக சற்றே அதிகரித்துள்ளது.

கடந்த ஜனவரியில், காய்கறிகளில் 19.71 சதவீதமாக இருந்த பணவீக்கம், பிப்ரவரியில் 19.78 சதவீதமாகவும்; பருப்பு வகைகளில் 16.06 சதவீதமாக இருந்தது, 18.48 சதவீதமாகவும் அதிகரித்துள்ளன.

எனினும் பிப்ரவரியில் எரிபொருள் மற்றும் மின்சாரத்தில் 1.59 சதவீதமும்; தயாரிக்கப்பட்ட பொருட்களில் 1.27 சதவீதமும் பணவீக்கம் குறைந்துள்ளன.

இவ்வாறு அமைச்சகம் தெரிவித்துள்ளது.