புலியை வாகனமாகக் கொண்டு தவக்கோலத்தில் சபரிமலையில் அருள்புரிபவர் ஐயப்பன்.

இவரை தர்மசாஸ்தா என அழைப்பது ஏன் தெரியுமா?

சாஸ்தா என்பதற்கு நல்ல ஆட்சியாளர், கட்டளையிடுபவர், தவறுக்காகதண்டிப்பவர் என பல பொருள் உண்டு. பிரணவ மந்திரத்திற்கு பொருள் தெரியாத பிரம்மாவை

சிறையிட்டார் முருகன். அதனால் 'பிரம்ம சாஸ்தா' எனப் பெயர் பெற்றார்.

தட்சனை தண்டித்த வீரபத்திரரை 'தட்ச சாஸ்தா' என அழைக்கிறோம். இதைப் போல அரக்கியான மகிஷியை அழித்து தர்மத்தை நிலைநாட்டியதால் ஐயப்பனுக்கு 'தர்ம சாஸ்தா' எனப் பெயர் வந்தது.

தர்மம் தான் வாழ்வின் ஆணிவேர். தர்மத்தை பின்பற்றி நாம் வாழ வேண்டும் என்பதை உணர்த்தவே ஐயப்பன் பூமியில் அவதரித்தார். இதை பகவத்கீதையில் பகவான் கிருஷ்ணர், 'தர்மம் குறைந்து உலகில் அதர்மம் பெருகும் போதெல்லாம் நான் அவதரிப்பேன்' என்கிறார். தர்மவழியில் நடப்பவர்களை இந்த உலகம் தெய்வமாக மதிக்கும். தர்மத்தை காப்பாற்றினால் தர்ம சாஸ்தாவான ஐயப்பனின் அருள் கிடைக்கும்.