உத்தரகாண்ட் மாநிலம் முசோரியில் உள்ள லால் பகதூர் சாஸ்திரியின் அகாடமியில் நடந்த நிகழ்ச்சியில் ராஜ்நாத் சிங் பேசியதாவது: இந்தியா தற்போது வளர்ச்சி பாதையில் முன்னேறி வரும் வேகத்தை கருத்தில் கொண்டு இளைஞர்கள் உற்சாகமாக இருப்பது மிகவும் முக்கியம். இந்தியாவை ஒரு வளர்ந்த நாடாக மாற்ற, சமூகத்தின் ஒவ்வொரு பிரிவினரும் இந்த வளர்ச்சி பயணத்தில் பங்கு அளிப்பதை உறுதி செய்ய வேண்டும். வளர்ச்சி அடைந்த இந்தியா என்ற கனவு நனவாகும்.

2047ம் ஆண்டுக்குள் நாட்டில், கேபினட் செயலாளர் பதவியை நிறைய பெண்கள் பெற்று இருக்கிறார்கள். இந்தியாவின் பெண்கள் சக்தி நாட்டின் வளர்ச்சி பயணத்தில் பங்களிக்க தயாராக இருக்கின்றனர். வாய்ப்பு வழங்கினால் அவர்களால் செய்ய முடியாதது ஒன்றும் கிடையாது. மனிதகுலம் பல தார்மீக சவால்களை எதிர்கொண்டு வருகிறது. இந்த நேரத்தில் மாற்றத்தை மேற்கொள்ள முயற்சி செய்யும் அரசியல் ஊழியர்கள் நமக்கு தேவை.

சமூக ஊடகங்களைப் பயன்படுத்தும் போது கவனமாக இருக்க வேண்டும். சமூக ஊடகங்களைப் பயன்படுத்துவது உங்கள் வாழ்வில் மாற்றத்தைக் கொண்டுவருவதாக இருக்க வேண்டும். தேவையற்ற செயல்களுக்காக ரீல்ஸ் போடுவதற்காக இருக்கக்கூடாது. ஆப்பரேஷன் சிந்தூர் நடவடிக்கை சமீபத்தில் நடந்தது. பாகிஸ்தானை தளமாகக் கொண்ட பயங்கரவாத முகாம்களை நமது படைகள் அழித்தன.

நாங்கள் மிகவும் தக்க பதிலடி கொடுத்தோம். ஆப்பரேஷன் சிந்தூருக்குப் பிறகு எல்லையில் நிலைமையை இயல்பாக இருக்க பாகிஸ்தானின் அணுகுமுறை அனுமதிக்கவில்லை. இந்த நேரத்தில், நாடு முழுவதும் போலிப் பயிற்சிகள் நடத்தினர். அவர்களது போலி நோக்கத்தை மக்கள் மத்தியில் விளக்கினோம். எதிர்காலத்தில் எந்தவொரு சூழ்நிலையையும் எதிர்கொள்ள மனிதளவில் தயாராக இருக்க வேண்டும். இவ்வாறு ராஜ்நாத் சிங் கூறியுள்ளார்.