தென் ஆப்ரிக்க கிரிக்கெட் அணி, இந்தியாவில் சுற்றுப்பயணம் செய்து விளையாடி வருகிறது. டெஸ்ட் தொடரை 2-1 என்று கைப்பற்றிய தென் ஆப்ரிக்க அணி, ஒரு நாள் தொடரில் 2-1 என்ற கணக்கில் தோல்வி கண்டது. 5 போட்டிகள் கொண்ட டி-20தொடர் இன்று தொடங்கியது. இரு அணிகளுக்கிடையே முதல் டி-20 போட்டி, ஒடிசா மாநிலம் கட்டாக்கில் இன்று நடக்கிறது.

இதில் டாஸ் வென்ற தென் ஆப்ரிக்க அணி, பீல்டிங் தேர்வு செய்துள்ளது. அதன்படி, இந்திய அணி முதலில் பேட்டிங் தொடங்கியது.

அதிர்ச்சி தந்த நிகிடி:

சுப்மன் கில் 2 பந்துகளில் 4 ரன் எடுத்து நிகிடி பந்தில் வெளியேறினார். அடுத்து வந்த கேப்டன் சூர்யகுமார் யாதவ் 11 பந்துகளில் ஒரு பவுண்டரி அடித்து 12 ரன்கள் எடுத்தபோது, நிகிடி பந்தில் அவுட்டானார். நிதானமாக ரன்சேர்த்த அபிஷேக் சர்மா, ஒரு சிக்ஸர், 2 பவுண்டரிகள் உள்பட 17 ரன்கள் சேர்த்து அவுட் ஆனார்.

திலக் வர்மாவும்26(2பவுண்டரி, ஒரு சிக்ஸர்) ரன்னில்த நிகிடி பந்தில் வெளியேறினார். அடுத்து அக்ஷர் பட்டேல் 23 ரன்களுக்கு சிபம்லா பந்தில் அவுட் ஆனார்.

ஹர்திக் பாண்ட்யா அதிரடி அரைசதம்:

ஹர்திக் பாண்ட்யா அதிரடியாக விளையாடி, ஆட்டமிழக்காமல் 59 ரன்கள் சேர்த்தார். இதில் 4 சிக்ஸர்களும், 6 பவுண்டரிகளும் அடங்கும். ஜிதேஸ் சர்மா ஆட்டமிழக்காமல் 10 ரன்கள் எடுக்க இறுதியில் இந்திய அணி 20 ஓவரில் 6 விக்கெட்டுகளை இழந்து 175 ரன்கள் குவித்தது.

இந்திய அணி, தென் ஆப்ரிக்க அணிக்கு 176 ரன்கள் இலக்கு நிர்ணயித்தது. தென் ஆப்ரிக்க அணியின் நிகிடி 3, சிபம்லா 2 விக்கெட்களை வீழ்த்தினர்.