இதுகுறித்து அவர், கூறியதாவது;

புதுச்சேரியில் பல ஆண்டுகளாக போலி மருந்து உற்பத்தி செய்து வருவது தற்போது கண்டுபிடிக்கப்பட்டுள்ளது. மாநிலத்தில் 100க்கும் மேற்பட்ட மருந்து உற்பத்தி செய்யும் நிறுவனங்களுக்கு அனுமதி கொடுத்தும் 50க்கும் மேற்பட்ட அனுமதி பெறாத நிறுவனங்கள் தொடர்ந்து செயல்பட்டு வருகின்றன. சர்க்கரை வியாதி, ரத்த அழுத்தம், நரம்பு, இதய நோய் சம்பந்தப்பட்ட மாத்திரைகள் போலியாக தயாரித்துள்ளது தெரியவந்துள்ளது.

நான்கு மாதத்திற்கு முன் அனுமதி பெறாத ஒரு நிறுவனம் போலி மருந்துக்கு பல நுாறு கோடி ரூபாய் ஜி.எஸ்.டி., செலுத்தியுள்ளது. பதிவு செய்யாத நிறுவனம் உற்பத்தி செய்த பொருட்களுக்கு ஜி.எஸ்.டி., நிறுவனம் எப்படி வரி வசூல் செய்தது என, தெரியவில்லை.

மருந்து கட்டுப்பாட்டு துறை அதிகாரிகளின் மெத்தனப்போக்கே இதற்கு காரணம். இந்த போலி மருந்து விவகாரம் மக்கள் மத்தியில் பீதியை ஏற்படுத்தியுள்ளது. புதுச்சேரி மாநிலம், போலி பொருட்கள் உற்பத்தி செய்யும் கேந்திரமாக திகழ்ந்து வருகிறது. அதனால், புதுச்சேரியை போலிச்சேரி என மாற்றிக் கொள்ளலாம்.

இவ்விவகாரத்தில் முதல்வர் தனிக் கவனம் செலுத்த வேண்டும். மேலும், போலி மருந்து விவகாரம் குறித்து வெள்ளை அறிக்கை வெளியிட வேண்டும்' என்றார்.