sub-imageதினமலர் டிவி
sub-imagePodcast
sub-imageiPaper
sub-imageசினிமா
sub-imageகோயில்கள்
sub-imageபுத்தகங்கள்
sub-imageSubscription
sub-imageதிருக்குறள்
sub-imageகடல் தாமரை
Dinamalar Logo

ஞாயிறு, நவம்பர் 30, 2025 ,கார்த்திகை 14, விசுவாவசு வருடம்

டைம்லைன்


தற்போதைய செய்தி


தினமலர் டிவி


ப்ரீமியம்


தமிழகம்


இந்தியா


உலகம்


வர்த்தகம்


விளையாட்டு


கல்விமலர்


டீ கடை பெஞ்ச்


/

செய்திகள்

/

விளையாட்டு

/

பிற விளையாட்டு

/

உலக விளையாட்டு செய்திகள்

/

உலக விளையாட்டு செய்திகள்

உலக விளையாட்டு செய்திகள்

உலக விளையாட்டு செய்திகள்


ADDED : நவ 29, 2025 10:35 PM

Google News

ADDED : நவ 29, 2025 10:35 PM


Google News
Latest Tamil News
நிறம் மற்றும் எழுத்துரு அளவு மாற்ற

ஜெர்மனி-ஸ்பெயின் 'டிரா'

கைசெர்ஸ்லாட்டர்ன்: ஜெர்மனியில் நடந்த ஐரோப்பிய நேஷன்ஸ் லீக் கால்பந்து தொடரின் பைனலுக்கான முதல் போட்டியில் ஜெர்மனி, ஸ்பெயின் பெண்கள் அணிகள் மோதின. இப்போட்டி கோல் எதுவுமின்றி 'டிரா' ஆனது. இரண்டாவது போட்டி, வரும் டிச. 2ல் ஸ்பெயினின் மாட்ரிட் நகரில் நடக்கிறது. இதில் வெற்றி பெறும் அணி கோப்பை வெல்லும்.

அர்ஜென்டினா ஏமாற்றம்

ரோட்டர்டாம்: ஜெர்மனி, நெதர்லாந்தில், பெண்களுக்கான உலக ஹேண்ட்பால் சாம்பியன்ஷிப் 27வது சீசன் நடக்கிறது. இதன் லீக் போட்டியில் ஏமாற்றிய அர்ஜென்டினா அணி 25-32 என்ற கணக்கில் நெதர்லாந்திடம் தோல்வியடைந்தது. மற்றொரு போட்டியில் ஆஸ்திரிய அணி 29-20 என, எகிப்தை வென்றது. பிரான்ஸ் அணி 43-18 என துனிசியாவை வீழ்த்தியது.

கொலம்பியா கலக்கல்

பாசிக்: பிலிப்பைன்சில், பெண்களுக்கான உலக கோப்பை 'புட்சால்' கால்பந்து முதல் சீசன் நடக்கிறது. இதன் லீக் போட்டியில் கொலம்பியா அணி 4-1 என்ற கணக்கில் தாய்லாந்தை வீழ்த்தியது. மற்றொரு போட்டியில் ஸ்பெயின் அணி 7-0 என கனடாவை தோற்கடித்தது. போர்ச்சுகல் அணி 10-0 என, நியூசிலாந்தை வென்றது.

எக்ஸ்டிராஸ்

* ராஜஸ்தானின் ஜெய்ப்பூரில் நடக்கும் 'கேலோ இந்தியா' பல்கலை., விளையாட்டில், ஜெயின் பல்கலை., (பெங்களூரு) சார்பில் பங்கேற்ற நீச்சல் வீரர் ஸ்ரீஹரி நடராஜ், 9 தங்கம், 2 வெள்ளி உட்பட 11 பதக்கம் கைப்பற்றினார்.

* சீனாவின் செங்டுவில் நடந்த ஏ.டி.பி., 'ஆசிய-பசிபிக் வைல்டுகார்டு பிளே-ஆப்' டென்னிஸ் இரட்டையர் பைனலில் இந்தியாவின் நிக்கி பூனாச்சா, தாய்லாந்தின் இசாரோ ஜோடி 6-4, 6-3 என ஜப்பான் ஜோடியை வீழ்த்தியது. இதனையடுத்து ஆஸ்திரேலிய ஓபன் கிராண்ட்ஸ்லாம் தொடரின், பிரதான சுற்றில் பங்கேற்க தகுதி பெற்றது.

* டில்லியில் நடந்த ஜூனியர் ஐ.டி.எப்., டென்னிஸ் ஒற்றையர், இரட்டையர் பிரிவில் இந்திய வீரர் பிரனீல் சர்மா சாம்பியன் பட்டம் வென்றார்.

* சீனாவின் செங்டுவில், கலப்பு அணிகளுக்கான உலக கோப்பை டேபிள் டென்னிஸ் தொடர் இன்று துவங்குகிறது. இந்திய அணியில் மணிகா பத்ரா, மானவ் தக்கார், சத்யன் உள்ளிட்டோர் இடம் பெற்றுள்ளனர். இந்திய அணி 'குரூப்-2' பிரிவில் ஜப்பான், ஆஸ்திரேலியா, குரோஷியாவுடன் இடம் பெற்றுள்ளது.






      Dinamalar
      Follow us