எலப்பாக்கம் அருகே உள்ள ஆணைக்குன்னம் அடுத்த எழுப்பாக்கம் பகுதியில், தனியார் கல் குவாரி செயல்படுகிறது. இங்கிருந்து குவாரி மண் ஏற்றிக் கொண்டு டிப்பர் லாரி ஒன்று, நேற்று மாலை 6:30 மணியளவில், ஆணைக்கு ன்னம் வழியாக மின்னல் சித்தாமூர் கிளம்பியது.

அப்போது, ஆணைக்குன்னம் கிராமத்தில் சென்ற போது, அதிக பாரம் காரணமாக நிலை தடுமாறிய டிப்பர் லாரி, சாலையோரம் உள்ள வயல்வெளியில் கவிழ்ந்தது. இதில், அதிர்ஷ்டவசமாகஓட்டுநர் காயமின்றி உயிர் தப்பினார்.

இந்த விபத்து நடந்த போது, சாலையில் வாகனங்கள் ஏதும் செல்லாததால், உயிர் சேதம் தவிர்க்கப்பட்டது.

பின்,'பொக்லைன்' இயந்திரத்தின் உதவியுடன் டிப்பர் லாரி மீட்கப்பட்டது.

இதுகுறித்து, ஒரத்தி போலீசார் வழக்கு பதிவு செய்து விசாரிக்கின்றனர்.