தமிழக கலை, பண்பாட்டுத் துறை நிர்வாகம் மற்றும் தமிழ்நாடு டாக்டர் ஜெ.ஜெயலலிதா இசை, கவின்கலை பல்கலைக்கழக இணைப்பின் கீழ், மாமல்லபுரத்தில் அரசு கட்டட, சிற்ப கலைக் கல்லுாரி இயங்குகிறது.

பாரம்பரிய கட்டட கலை, கல், உலோகம், மரம், சுதை ஆகிய சிற்பக் கலைகள், வண்ணம், ஓவியக்கலை ஆகிய பாடப் பிரிவுகளில், நான்காண்டு பட்ட படிப்புகள் பயிற்றுவிக்கப்படுகின்றன.

கடந்த 2023 - 24ல் 41 பேர், 2024 - 25ல் 40 பேர் என, 81 பேர் படிப்பை முடித்தனர். இதில் 5 பேர் தரவரிசை பெற்றனர்.

மேலும் 5 பேர், முனைவர் படிப்பை முடித்தனர். நேற்று, சென்னையில் நடந்த விழாவில், முதல்வர் ஸ்டாலின், கலை, பண்பாட்டுத் துறை அமைச்சர் சாமிநாதன் ஆகியோர், மாணவர்களுக்கு பட்டங்களை வழங்கி பாராட்டினர்.

கல்லுாரி முதல்வர் ராமன் பங்கேற்றார்.