புக்கத்துறை ஊராட்சியில், 'நலம் காக்கும் ஸ்டாலின்' மருத்துவ முகாம், நேற்று நடந்தது.

புக்கத்துறை ஊராட்சிக்கு உட்பட்ட அரசு உயர்நிலைப் பள்ளியில், நேற்று காலை 9:00 மணி முதல் மாலை 5:00 மணி வரை, தமிழக முதல்வரின்,'நலம் காக்கும் ஸ்டாலின்' மருத்துவ முகாம் நடந்தது.

புக்கத்துறை ஊராட்சி தலைவி சொரூபராணி, உத்திரமேரூர் தி.மு.க., - எம்.எல்.ஏ., சுந்தர், சுகாதார துணை இயக்குநர் பானுமதி உள்ளிட்டோர் பங்கேற்றனர். இதில், முதல்வரின் விரிவான மருத்துவ காப்பீட்டு திட்ட அட்டை மற்றும் மாற்றுத்திறனாளிகள் அடையாள அட்டை ஆகியவை வழங்கப்பட்டன.

தொழிலாளர்களுக்கு, அனைத்து உடல் பரிசோதனைகளும் மேற்கொள்ளப்பட்டன. இதில் புக்கத்துறை, படாளம், ஜானகிபுரம், வையாவூர், நெல்லி, மாமண்டூர் சுற்றுவட்டார கிராமங்களைச் சார்ந்த மக்கள் பங்கேற்று பயன் பெற்றனர்.

இந்நிகழ்வில், மதுராந்தகம் பகுதி சுகாதாரத்துறை அதிகாரிகள் மற்றும் மக்கள் பிரதிநிதிகள் பங்கேற்றனர்.