சென்னை - திண்டுக்கல் தேசிய நெடுஞ்சாலையில் தினமும் ஆயிரக்கணக்கான வாகனங்கள் சென்று வருகின்றன. இந்த சாலை, தென் மாவட்டங்களை இணைக்கும் முக்கிய சாலையாக உள்ளது.

இந்த சாலையில் செங்கல்பட்டு -- காஞ்சிபுரம் சாலை சந்திப்பில் மேம்பாலம் உள்ளது. இந்த மேம்பாலத்தின் மேல், இருபுறமும் அரச மரக்கன்றுகள் வளர்ந்து உள்ளன.

இதன் காரணமாக, பாலம் உறுதித்தன்மையை இழக்கும் அபாயம் உள்ளது.

மேலும், இந்த பகுதியில் சாலையில் பல இடங்களில் மணல் திட்டுகள் உள்ளதால், வாகனங்கள் வேகமாக செல்லும் போது மணல் பறந்து, வாகன ஓட்டி களின் கண்களில் பட்டு பாதிக்கப்பட்டு வருகின்றனர்.

எனவே, இந்த மேம் பாலத்தில் உள்ள உள்ள அரச மரக் கன்றுகளை வெட்டி அகற்றி, பாலத்தில் குவிந்துள்ள மணலையும் அகற்ற வேண்டுமென, வாகன ஓட்டிகள் வேண்டுகோள் விடுத்துள்ளனர்.