/
உள்ளூர் செய்திகள்
/
செங்கல்பட்டு
/
மாமல்லை வார்டு பணிகளுக்கு தலா ரூ.10 லட்சம்
/
மாமல்லை வார்டு பணிகளுக்கு தலா ரூ.10 லட்சம்
ADDED : நவ 30, 2025 12:49 AM
மாமல்லபுரம்,
மாமல்லபுரத்தில் மேம்பாட்டு பணிகளுக்கு, வார்டுக்கு தலா 10 லட்சம் ரூபாய் ஒதுக்க, நகராட்சி கூட்டத்தில் முடிவெடுக்கப்பட்டது.
மாமல்லபுரம் நகராட்சி கூட்டம், தலைவர் வளர்மதி தலைமையில் நேற்று முன்தினம் நடந்தது.
துணைத் தலைவர் ராகவன், கமிஷனர் சேம் கிங்ஸ்டன் மற்றும் கவுன்சிலர்கள் பங்கேற்றனர்.
இங்குள்ள 15 வார்டு பகுதிகளில், அவசிய பணிகளை மேற்கொள்ள நிதி ஒதுக்குமாறு, கவுன்சிலர்கள் ஏற்கனவே வலியுறுத்தி இருந்தனர்.
இதனால், ஒவ்வொரு வார்டுக்கும் தலா 10 லட்சம் ரூபாய் ஒதுக்குவது, வெண்புருஷம் பகுதியில் அங்கன்வாடி கட்டடம் கட்டுவது உள்ளிட்ட தீர்மானங்கள் நிறைவேற்றப்பட்டன.
மேலும், அரசு தரப்பில் மாற்றுத்திறனாளி கவுன்சிலர் நியமிக்கப்படுவது குறித்தும், மன்றத்தில் முன்பே தெரிவிக்காதது குறித்தும், கவுன்சிலர்கள் அதிருப்தியை வெளிப்படுத்தினர்.

