நாட்டு படகு மூலம் கடலுக்கு சென்று மீன் பிடித்தல் மற்றும் அது சார்ந்த தொழிலே, இவர்களின் பிரதான தொழில்.

வங்கக்கடலில் ஏற்பட்ட புதிய காற்றழுத்த தாழ்வு நிலை, இலங்கை அருகே புயலாக மாறி 'டிட்வா' என பெயரிடப்பட்டுள்ளது.

புயல், வடக்கு மற்றும் வடமேற்கு திசையில், சென்னை மற்றும் தமிழக வட கடலோர மாவட்டங்களை நோக்கி நகர்கிறது.

இதனால் முன்னெச்சரிக்கை நடவடிக்கையாக, அடுத்த அறிவிப்பு வரும் வரை மீனவர்கள் யாரும் கடலுக்குச் செல்ல வேண்டாம் என மீன்வளத்துறை அறிவித்துள்ளது.

கடலுார்குப்பம் முதல் ஆலம்பரைகுப்பம் வரை உள்ள மீனவ கிராமங்களில், புயல் காரணமாக தற்போது கடல் சீற்றத்துடன் காணப்பட்டு, 4 முதல் 10 அடி உயரத்திற்கு அலைகள் அடிக்கின்றன.

மேலும், புயல் கரையைக் கடக்கும் போது கடல் சீற்றம் மேலும் அதிகமாக இருக்கும் என்பதால், மீனவர்கள் தங்களது மீன்பிடி படகுகள் மற்றும் வலைகளை பாதுகாப்பான இடத்திற்கு மாற்றும் பணியில் ஈடுபட்டு வருகின்றனர்.