/
உள்ளூர் செய்திகள்
/
செங்கல்பட்டு
/
திருப்போரூர் போலீஸ் குடியிருப்பில் அடிப்படை வசதியின்றி தவிப்பு
/
திருப்போரூர் போலீஸ் குடியிருப்பில் அடிப்படை வசதியின்றி தவிப்பு
திருப்போரூர் போலீஸ் குடியிருப்பில் அடிப்படை வசதியின்றி தவிப்பு
திருப்போரூர் போலீஸ் குடியிருப்பில் அடிப்படை வசதியின்றி தவிப்பு
ADDED : நவ 29, 2025 04:01 AM

திருப்போரூர், நவ. 29-
திருப்போரூர் போலீஸ் குடியிருப்பில், குடிநீர் உள்ளிட்ட அடிப்படை வசதிகள் இல்லாமல், போலீசார் தவித்து வருகின்றனர்.
செங்கல்பட்டு மாவட் டம், திருப்போரூர் பேரூராட்சி, ஓ.எம்.ஆர்., சாலையை ஒட்டி, போலீஸ் குடியிருப்பு உள்ளது. இங்கு, 20க்கும் மேற்பட்ட வீடுகள் உள்ளன.
ஆனால், இந்த குடியிருப்பில் குடிநீர் தட்டுப்பாடு நிலவுவதால், அங்கு வசித்து வரும் போலீஸ் குடும்பத்தினர் சிரமப்படுகின்றனர். இந்த வளாகத்தில் உள்ள கிணற்றில் இருந்து, குடிநீர் வினியோகம் செய்யப்படுகிறது. இந்த கிணற்று தண்ணீரால் மழை நேரத்தில் மட்டும், ஓரளவிற்கு குடிநீர் பிரச்னை இல்லாமல் சமாளிக்கப்படுகிறது.
மற்ற நேரங்களில், கிணற்றில் தண்ணீர் வறண்டு, குடிநீர் தட்டுப்பாடு ஏற்படுகிறது.
அந்த நேரத்தில், டேங்கர் லாரிகள் மூலமாக குடிநீர் கொண்டு வந்து பயன்படுத்தப்படுகிறது. அதேபோல், இந்த வளாகத்தில் கழிவுநீர் வெளியேறும் வகையில் கால்வாய் வசதி இல்லாததால், கழிவுநீர் தேங்கி கொசு உற்பத்தி அதிகரிக்கிறது.
இதனால், டெங்கு போன்ற தொற்றுநோய் ஏற்படும் அபாயம் உள்ளது.
மேலும், இங்குள்ள கட்டடங்களுக்கு வண்ணம் பூசாமல், பொலிவிழந்து உள்ளன. எனவே, இந்த போலீஸ் குடியிருப்பில் குடிநீர் வசதி, கழிவுநீர் கால்வாய் உள்ளிட்ட அடிப்படை வசதிகளை ஏற்படுத்தி, பூங்கா அமைத்து வளாகத்தை சீரமைக்க வேண்டுமென, போலீசார் குடும்பத்தினர் கோரிக்கை விடுத்துள்ளனர்.

