மடிப்பாக்கத்தைச் சேர்ந்த நாகேந்திரன் மற்றும் ஏழுமலை ஆகியோருக்கு சொந்தமான, எல்.ஐ.சி., நகரில் உள்ள, 2,400 சதுரடி நிலத்தை, சிலர், 2013ம் ஆண்டு போலியான ஆவணங்கள் வாயிலாக அபகரித்தனர்.

இதை அறிந்த சொத்தின் உரிமையாளர்கள், சென்னை மத்திய குற்றப்பிரிவில் புகார் அளித்தனர்.

அதன் அடிப்படையில் வழக்குப்பதிவு செய்த நிலமோசடி புல னாய்வு பிரிவு போலீசார், மோசடியில் ஈடுபட்ட சம்பந்தன், 58, ரமேஷ், 45, தயாகர், 43, ஆகிய மூவரை கைது செய்தனர்.

இவ்வழக்கு விசாரணை, எழும்பூரில் உள்ள சி.பி.சி.ஐ.டி., நீதிமன்றத்தில் நடந்து வந்தது. குற்றம் நிரூபிக்கப்பட்டதை தொடர்ந்து, மூவருக்கும் தலா 3 ஆண்டுகள் சிறை தண்டனை மற்றும் 8,000 அபராதம் விதித்து தீர்ப்பு வழங்கப்பட்டு உள்ளது.