வியாசர்பாடியைச் சேர்ந்த தேவி, 38, என்பவர், அப்பகுதி மக்களிடம் தீபாவளி பண்டு சீட்டு பிடித்துள்ளார். மொத்தம் 1,300 பேரிடம் தலா 1,300 ரூபாய் வீதம் 12 மாதங்களுக்கு 2 கோடி ரூபாய் வரை வசூலித்துள்ளார்.

இதில் 500 பேருக்கு மட்டும், உறுதியளித்தபடி ஒரு கிராம் தங்கம், வெள்ளி பொருட்கள் உள்ளிட்டவற்றை கொடுத்துள்ளார். மற்றவர்களுக்கு தர வேண்டிய 1.25 கோடி ரூபாயையும், பொருட்களையும் தரவில்லை.

இந்நிலையில் சீட்டு பிடித்த தேவியின் மருமகன் லோகேஷ், 27, அவரது நண்பர் முரளி, 30, ஆகியோரை, வியாசர்பாடி போலீசார் நேற்று முன்தினம் கைது செய்தனர்.

இந்நிலையில், தேவி, 37, முனியப்பன், 41, ஆகியோரை, நேற்று கைது செய்தனர். நான்கு பேரையும் நீதிமன்றத்தில் ஆஜர்படுத்தி, சிறையில் அடைத்தனர்.