திருவொற்றியூர், தேரடி, எல்லையம்மன் கோவில் சுற்றுவட்டார பகுதிகளில், வீடுகள், ஜவுளி கடைகள், உணவகங்கள், திருமண மண்டபங்கள் உள்ளன.

இவற்றுக்கு மின்மாற்றி, மின் இணைப்பு பெட்டி வாயிலாக மின்சாரம் வினியோகிக்கப்பட்டு வருகிறது.

கடந்த மூன்று நாட்களாக, இப்பகுதியில் அடிக்கடி மின்தடை ஏற்பட்டு வருகிறது. நேற்று மாலை, திடீரென தடைபட்ட மின்சாரம், ஒரு மணி நேரத்திற்கு பின் சீரானது.

அப்பகுதி வணிகர்கள் கூறுகையில், 'திருவொற்றியூரின் முக்கிய பகுதியான தேரடி பகுதியில், மூன்று நாட்களாக அடிக்கடி மின்தடை ஏற்படுகிறது. எந்தவொரு முன்னறிவிப்பும் வழங்கப்படவில்லை. இதனால், ஜவுளிக் கடைகள், உணவகங்களில் தொழில் பாதிப்பு ஏற்படுகின்றன' என்றனர்.