அவர் வெளியிட்ட செய்திக்குறிப்பு:

தேர்தல் கமிஷன் அறிவுரைப்படி, பொதுத் தேர்தல்களுக்கான, வாக்காளர் பட்டியல் சிறப்பு தீவிர திருத்த பணி நடந்து வருகிறது.

அதன்படி, சென்னையில் 16 சட்டசபை தொகுதிகளிலும், ஓட்டுச்சாவடி நிலை அலுவலர்கள், வீடு, வீடாக சென்று வாக்காளர்களுக்கு, கணக்கீட்டு படிவங்களை வழங்கி, நிரப்பப்பட்ட படிவங்களை மீண்டும் பெற்று வருகின்றனர்.

கணக்கீட்டு படிவங்களை பூர்த்தி செய்வதில், வாக்காளர்களுக்கு ஏற்படும் சந்தேகங்களுக்கு தீர்வு காண, கடந்த 18ம்தேதி முதல் 25ம்தேதி வரை எட்டு நாட்களுக்கு, சென்னை மாநகராட்சிக்கு உட்பட்ட அனைத்து ஓட்டுச்சாவடி மையங்களிலும், வாக்காளர் உதவி மையங்கள் அமைக்கப்பட்டு, கணக்கீட்டு படிவங்கள் பெறப்பட்டன.

பூர்த்தி செய்யப்பட்ட கணக்கீட்டு படிவங்களை திரும்ப பெற குறைந்த நாட்களே உள்ளன. எனவே, ஓட்டுச்சாவடி மையங்கள், அதிக வாக்காளர்கள் வசிக்கும் அடுக்குமாடி குடியிருப்புகளில் உள்ள வாக்காளர்களிடம் இருந்து, பூர்த்தி செய்யப்பட்ட கணக்கீட்டு படிவம் பெறுவதற்கான வாக்காளர் சிறப்பு உதவி மையங்கள், இன்று காலை 8:00 மணி முதல் இரவு 8:00 மணி வரை செயல்படும்.

எனவே, வாக்காளர்கள் இந்த சிறப்பு வாக்காளர் உதவி மையத்தை பயன்படுத்தி, பூர்த்தி செய்யப்பட்ட கணக்கீட்டு படிவத்தை விரைந்து வழங்க வேண்டும்.

இவ்வாறு அதில் கூறப்பட்டுள்ளது.