இந்திய நீச்சல் சங்கம் சார்பில் 12 முதல் 14 வயது வரை உள்ள சப் - ஜூனியர் மாணவர்களுக்கு ஒடிஷாவிலும், 16 முதல் 18 வயது வரை உள்ள ஜூனியர் மாணவர்களுக்கு ராஜஸ்தானிலும், அடுத்த மாதம் 12-ம் தேதி தேசிய நீச்சல் போட்டி நடக்க உள்ளது.

இதில் நாட்டின் அனைத்து மாநில அணிகளும் போட்டியிட உள்ளன. இதற்காக தமிழ்நாடு நீச்சல் சங்கம், மாநில அணிக்கான தேர்வுப் போட்டியை வரும் 17-ம் தேதி சென்னையில் நடத்த உள்ளது.

இதற்காக, அனைத்து மாவட்ட அணிகளுக்கும் அழைப்பு விடுத்துள்ளது.

இதில் சப் - ஜூனியர் மற்றும் ஜூனியர் மாணவர்கள் போட்டியிடலாம் எனவும், போட்டியில் வெற்றிபெறும் வீரர் - வீராங்கனையர் தேசிய போட்டிக்கான தமிழக அணியில் இடம்பெறுவர் எனவும், தமிழ்நாடு நீச்சல் சங்கம் தெரிவித்து உள்ளது.