/
உள்ளூர் செய்திகள்
/
சென்னை
/
முதியோரை குறிவைத்து வழிப்பறி வாலிபர் கைது
/
முதியோரை குறிவைத்து வழிப்பறி வாலிபர் கைது
ADDED : நவ 29, 2025 03:32 AM
ஓட்டேரி: முதியோரை குறிவைத்து வழிப்பறியில் ஈடுபட்ட வாலிபர் கைது செய்யப்பட்டார்.
ஓட்டேரி, சுப்புராயன் தெருவைச் சேர்ந்தவர் செல்வி, 65. இவர், இரு தினங்களுக்கு முன் சாலையில் நடந்து சென்றபோது, பைக்கில் வந்த நபர், மூதாட்டியிடம் பேச்சு கொடுத்து 'என் மனைவிக்கு நீங்கள் அணிந்து இருப்பது போலவே தாலி செயின் வாங்க வேண்டும்' எனக்கூறி, திடீரென தாலி செயினை பறித்து தப்பினார்.
அதேபோல, பெரம்பூர், மேட்டுப்பாளையத்தைச் சேர்ந்தவர் பாலன், 66. இவருக்கு உதவி செய்வது போல் நடித்து, மர்ம நபர், 5 கிராம் மோதிரத்தை பறித்து சென்றார். இரு சம்பவங்கள் குறித்து, ஓட்டேரி போலீசார் விசாரித்தனர்.
இதில், இருவரிடமும் கைவரிசை காட்டியது அயனாவரத்தைச் சேர்ந்த கார்த்திக், 39, என்பது தெரியவந்தது. முதியோரை மட்டும் குறிவைத்து வழிப்பறி செய்த கார்த்திக்கை, போலீசார் நேற்று கைது செய்து சிறையில் அடைத்தனர்.

