பேரூர்: சுண்டக்காமுத்தூரை சேர்ந்தவர் சஞ்சய், 25. ஐ.டி., ஊழியர். கிரிண்டர் செயலியில், ஆண் நண்பருடன் பேசி வந்தார். அவர் ஜூலை, 22ம் தேதி, நேரில் சந்திக்க சஞ்சய் வீட்டின் அருகே காரில் வந்தார். சஞ்சய் அவரை சந்திக்க சென்ற போது காரில் சிறிது துாரம் சென்று பேசலாம் என்றார். சஞ்சய் காரில் ஏறிய போது, மேலும் மூவர் இருப்பது தெரிந்தது. காரில் இருந்தவர்கள், சஞ்சயை தாக்கினர். அவரை மாதம்பட்டி, சிறுவாணி மெயின் ரோடு அருகே ஆள் நடமாட்டம் இல்லாத இடத்துக்கு அழைத்துச் சென்று, அவர் அணிந்திருந்த, அரை பவுன் செயின், கால் பவுன் மோதிரத்தை பறித்துக் கொண்டனர். மேலும், அருகிலிருந்து ஏ.டி.எம்., க்கு அழைத்து சென்று சஞ்சயின் வங்கி கணக்கிலிருந்த, ரூ.5,000 பணத்தையும் பறித்தனர். சஞ்சயை தாக்கி, அங்கேயே விட்டுவிட்டு, அவர்கள் தப்பினர்.