இங்கு ஐந்து பிளாக்குகளில், 1848 வீடுகள் உள்ளன. இங்குள்ள 'ஏ' மற்றும் 'டி' பிளாக்குகளில், 13 வீடுகளில் பூட்டுகளை உடைத்து, நேற்று மர்ம நபர்கள் நகை மற்றும் ரொக்கம் திருடிச் சென்றனர்.இங்கு, ஏ ப்ளாக்கில் வசிக்கும் அரசு அதிகாரி சண்முகவடிவு வீட்டில், 30 பவுன் நகை திருட்டுப் போனது. இன்னொரு அதிகாரி வீட்டில் ஒரு லட்ச ரூபாய் ரொக்கம் திருட்டு போனது.

10க்கும் மேற்பட்ட வீடுகளில் தலா இரண்டு, மூன்று, நான்கு பவுன்கள் மற்றும் ரொக்கம், இரண்டு லட்ச ரூபாய் என மொத்தம், 56 பவுன் நகை, 3 லட்சம் ரூபாய் ரொக்கம் திருட்டுப் போய் உள்ளது.

பெரும்பாலான திருட்டுக்கள் நேற்று காலை, 11.00 மணியிலிருந்து, 12.00 மணிக்குள் நடந்திருக்கலாம் என, முதல் கட்ட விசாரணையில் தெரியவந்துள்ளது.