மாநகராட்சி பள்ளி மாணவர்களிடம், கற்றல் சார்ந்த சிந்தனை திறன்; பாடப்பகுதிகளில் உள்ளார்ந்த புரிதலை வளர்க்கவும்; படிப்பின் மீதான ஆர்வத்தை ஊக்குவிக்கவும் மற்றும் பொது அறிவு திறன்களை மேம்படுத்த, இத்தகைய வினாடி - வினா போட்டியை 'தினமலர்' நாளிதழ் நடத்தி வருகிறது.

அதன்படி, நொய்யல்பாலம் மாநகராட்சி நடுநிலைப்பள்ளி, வெங்கிட்டாபுரம் மாநகராட்சி பா. கமலநாதன் நினைவு மேல்நிலைப்பள்ளி, எம்.ஜி.ஆர்.,நகர் மாநகராட்சி நடுநிலைப்பள்ளி மற்றும் அப்பநாயக்கன்பாளையம் மாநகராட்சி நடுநிலைப்பள்ளியில் 'பதில் சொல் - பரிசை வெல்' வினாடி- வினா போட்டி நடைபெற்றது.

நொய்யல்பாலம் மாநகராட்சி நடுநிலைப்பள்ளி இப்பள்ளியில் நடைபெற்ற தகுதி சுற்று எழுத்து தேர்வில் 55 மாணவ-மாணவியர் பங்கேற்றனர். இவர்களில், அதிக மதிப்பெண் பெற்ற 16 மாணவர்கள், எட்டு அணிகளாக பிரிந்து, பள்ளி அளவிலான இறுதி போட்டியில் பங்கேற்றனர்.

'சி' அணியை சேர்ந்த ஏழாம் வகுப்பு மாணவி ரிபா பாத்திமா மற்றும் எட்டாம் வகுப்பு மாணவி அப்ரின் ஆகியோர் வெற்றி பெற்றனர். இவர்களுக்கு கேடயம், சான்றிதழ் மற்றும் பதக்கம் வழங்கப்பட்டது.

இவர்களுடன், 'டி' அணியை சேர்ந்த ஏழாம் வகுப்பு மாணவிகள் ஷஜலான்வரி மற்றும் புஷ்ரா பாத்திமா; 'எப்' அணியை சேர்ந்த ஆறாம் வகுப்பு மாணவிகள் ஹம்தா பாத்திமா மற்றும் ஈத ருக் ஷா; 'பி' அணியை சேர்ந்த எட்டாம் வகுப்பு மாணவிகள் பர்ஹானா மற்றும் நுஸ்ரத் பர்வின் மற்றும் 'ஏ' அணியை சேர்ந்த ஆறாம் வகுப்பு மாணவி மும்தாஜ் பேகம் மற்றும் எட்டாம் வகுப்பு மாணவி பாசிலா ஆகியோர் அரையிறுதிக்கு தகுதி பெற்றனர். அவர்களுக்கு, பள்ளி தலைமையாசிரியை இந்திரா பாபு சாந்தினி பரிசுகள் வழங்கினார்.

வெங்கிட்டாபுரம் மாநகராட்சி பா. கமலநாதன் நினைவு மேல்நிலைப்பள்ளி இப்பள்ளியில் நடைபெற்ற, முதற் சுற்று எழுத்து தேர்வில் 50 மாணவ-மாணவியர் பங்கேற்றனர். இவர்களில் அதிக மதிப்பெண் பெற்ற 16 மாணவர்கள், எட்டு அணிகளாக பிரிந்து, பள்ளி அளவிலான இறுதி போட்டியில் பங்கேற்றனர்.

'எச்' அணியை சேர்ந்த எட்டாம் வகுப்பு மாணவர்கள் முத்து சுமன் மற்றும் யஸ்வந்த் ஆகியோர் வெற்றி பெற்றனர். இவர்களுக்கு கேடயம், சான்றிதழ் மற்றும் பதக்கம் வழங்கப்பட்டது.

இவர்களுடன், 'இ' அணியை சேர்ந்த ஒன்பதாம் வகுப்பு மாணவிகள் ஸ்ரீனிஷா மற்றும் நெஹாரிகா; 'சி' அணியை சேர்ந்த ஆறாம் வகுப்பு மாணவர்கள் சஷ்வின் மற்றும் லிங்கேஸ்வரன்; 'ஏ' அணியை சேர்ந்த ஒன்பதாம் வகுப்பு மாணவர்கள் சுதர்சனம் மற்றும் சாமுவேல்; 'எப்' அணியை சேர்ந்த எட்டம் வகுப்பு மாணவர்கள் சிந்து ஸ்ரீ மற்றும் பாண்டிமீனா ஆகியோர் அரையிறுதிக்கு தகுதி பெற்றனர். இவர்களுக்கு, பள்ளி தலைமையாசிரியை சாந்தாமணி பரிசுகள் வழங்கினார்.

எம்.ஜி.ஆர்.,நகர் மாநகராட்சி நடுநிலைப்பள்ளி இப்பள்ளியில் நடைபெற்ற முதற் சுற்று எழுத்து தேர்வில், 50 மாணவ-மாணவியர் பங்கேற்றனர். இவர்களில் அதிக மதிப்பெண் பெற்ற 16 மாணவர்கள், எட்டு அணிகளாக பிரிந்து, பள்ளி அளவிலான இறுதி போட்டியில் பங்கேற்றனர்.

'எச்' அணியை சேர்ந்த ஆறாம் வகுப்பு மாணவன் தன்வந்திரி மற்றும் ஏழாம் வகுப்பு மாணவன் விமல் ஆகியோர் வெற்றி பெற்றனர். இவர்களுக்கு கேடயம், சான்றிதழ் மற்றும் பதக்கம் வழங்கப்பட்டது.

இவர்களுடன், 'எப்' அணியை சேர்ந்த எட்டாம் வகுப்பு மாணவிகள் தனலட்சுமி மற்றும் தனுஸ்ரீ; 'ஏ' அணியை சேர்ந்த எட்டாம் வகுப்பு மாணவர்கள் தமிழ்செல்வன் மற்றும் தினேஷ்; 'சி' அணியை சேர்ந்த ஆறாம் வகுப்பு மாணவன் தினேஷ் மற்றும் ஏழாம் வகுப்பு மாணவன் சந்தீப்; 'ஜி' அணியை சேர்ந்த எட்டாம் வகுப்பு மாணவர்கள் கோகுல் மற்றும் கரண்குமார் ஆகியோர் அரையிறுதிக்கு தகுதி பெற்றனர்.

இவர்களுக்கு, பள்ளி தலைமையாசிரியை மணிமேகலை பரிசுகள் வழங்கினார்.

அப்பநாயக்கன்பாளையம் மாநகராட்சி நடுநிலைப்பள்ளி இப்பள்ளியில் நடைபெற்ற முதற் சுற்று எழுத்து தேர்வில், 55 மாணவ-மாணவியர் பங்கேற்றனர். இவர்களில் அதிக மதிப்பெண் பெற்ற 16 மாணவர்கள், எட்டு அணிகளாக பிரிந்து, பள்ளி அளவிலான இறுதி போட்டியில் பங்கேற்றனர்.

'பி' அணியை சேர்ந்த எட்டாம் வகுப்பு மாணவிகள் அர்ச்சனா மற்றும் காவ்யா ஆகியோர் வெற்றி பெற்றனர். இவர்களுக்கு கேடயம், சான்றிதழ் மற்றும் பதக்கம் வழங்கப்பட்டது.

இவர்களுடன், 'எச்' அணியை சேர்ந்த எட்டாம் வகுப்பு மாணவன் நாகபங்கஷ் பிரேம் மற்றும் ஆறாம் வகுப்பு மாணவி தேவஸ்ரீ நாகபங்கஷ்; 'டி' அணியை சேர்ந்த ஏழாம் வகுப்பு மாணவர்கள் வியாஸ் மற்றும் ஆல்வின் ஜோஷ்வா; 'இ' அணியை சேர்ந்த ஆறாம் வகுப்பு மாணவிகள் கனிஷ்கா மற்றும் இனியா; 'ஏ' அணியை சேர்ந்த எட்டாம் வகுப்பு மாணவிகள் கவிஸ்ரீ மற்றும் ஷிவானி ஆகியோர் அரையிறுதிக்கு தகுதி பெற்றனர். இவர்களுக்கு, பள்ளி தலைமையாசிரியை தீபா பரிசுகள் வழங்கினார்.

மாநகராட்சி பள்ளி மாணவ-மாணவியருக்காக தொடர்ச்சியாக, இப்போட்டி நடத்தப்பட உள்ளது.

'தேசிய மற்றும் சர்வதேச நாட்டு நடப்புகள், நவீன தொழில்நுட்பம் போன்ற அரிய செய்திகளை, இந்த போட்டியின் வழியே அறிய வாய்ப்பு கிடைத்தது' என, பங்கேற்ற மாணவ, மாணவியர் தெரிவித்தனர்.