/
உள்ளூர் செய்திகள்
/
கோயம்புத்தூர்
/
சரஸ்வதி தியாகராஜா கல்லுாரியில் மாவட்ட அளவிலான செஸ் போட்டி
/
சரஸ்வதி தியாகராஜா கல்லுாரியில் மாவட்ட அளவிலான செஸ் போட்டி
சரஸ்வதி தியாகராஜா கல்லுாரியில் மாவட்ட அளவிலான செஸ் போட்டி
சரஸ்வதி தியாகராஜா கல்லுாரியில் மாவட்ட அளவிலான செஸ் போட்டி
ADDED : நவ 29, 2025 06:00 AM

பொள்ளாச்சி: பொள்ளாச்சி சரஸ்வதி தியாகராஜா கல்லுாரியில், மாவட்ட அளவிலான செஸ் போட்டி நடந்தது.
கோவை மாவட்ட செஸ் கழகம், பொள்ளாச்சி அவனி செஸ் அகாடமி, சரஸ்வதி தியாகராஜா கல்லுாரி சார்பில், ஐந்தாவது மாவட்ட அளவிலான செஸ் போட்டிகள், கல்லுாரி வளாகத்தில் நடந்தது. கோவை மாவட்டத்தின் பல்வேறு பகுதிகளில் இருந்து, 520 வீரர்கள் பங்கேற்றனர்.
போட்டிகளை கோவை மாவட்ட செஸ் கழக பொருளாளர் வினோத்குமார், துணை பொதுச் செயலாளர் முகமது யூசப், அவனி செஸ் அகாடமியின் தலைவர் திருமலைசாமி ஆகியோர் துவக்கி வைத்தனர்.
போட்டிகள், 7, 9, 12, 19 மற்றும் 25வயதுக்கு உட்பட்ட ஆண்கள், பெண்கள் என மொத்தம், 10 பிரிவுகளில் நடத்தப்பட்டு வெற்றி பெற்றவர்களுக்கு பரிசு கோப்பை, பாராட்டு சான்றிதழ்கள் வழங்கப்பட்டன.
தொடர்ந்து நடந்த பரிசளிப்பு விழாவில், கல்லுாரி தலைவர் வெங்கடேஷ், வெற்றி பெற்றவர்களுக்கு பரிசுகளை வழங்கினார். போட்டிக்கான ஏற்பாடுகளை, கல்லுாரியின் துணை முதல்வர் பாரதி, அவனி செஸ் அகாடமியின் பயிற்சியாளர் மற்றும் கோவை மாவட்ட செஸ் கழக துணை பொதுச்செயலாளர் சந்தீப் மற்றும் மாணவ, மாணவியர் செய்திருந்தனர்.

