வால்பாறை நகர் மற்றும் எஸ்டேட் பகுதியில் செயல்படும் அஞ்சலகங்களில், பொள்ளாச்சி தபால் கோட்ட கண்காணிப்பாளர் சாந்தினிபேகம் உத்தரவின் பேரில், கோட்ட ஆய்வாளர் வெங்கட் தலைமையில் செல்வமகள் சேமிப்பு திட்டம் 'ஸ்பான்சர்' வாயிலாக எண்ணிக்கை அதிகரிக்கும் நடவடிக்கையில், அஞ்சலக ஊழியர்கள் ஈடுபட்டுள்ளனர்.

அதன் அடிப்படையில், வால்பாறை நகராட்சி தலைவர் அழகுசுந்தரவள்ளி, 40 பெண் குழந்தைகளுக்கு (தலா 250 ரூபாய் வீதம்) 10,000 ரூபாய், போஸ்ட் மாஸ்டர் கீதாஞ்சலியிடம் வழங்கினார்.

அஞ்சலக அதிகாரிகள் கூறியதாவது:

வால்பாறையில் உள்ள அஞ்சலகங்களில், 700க்கும் மேற்பட்ட பெண் குழந்தைகள் செல்வமகள் சேமிப்பு திட்டத்தில் உறுப்பினர்களாக சேர்க்கப்பட்டுள்ளனர்.

இத்திட்டத்தில் சேரும் பெண் குழந்தைகள் மாதம் தோறும் தங்களால் இயன்ற தொகையை சேமிப்பு கணக்கில் செலுத்தலாம்.

18 வயதிற்கு மேல், படிப்பு செலவுக்காக குறிப்பிட்ட தொகையை கடனாக பெறலாம். 21 வயது முடிந்த பின், சேமிப்பு தொகை முழுவதுமாக உரியவரிடம் வழங்கப்படும்.

இவ்வாறு, கூறினார்.