பெண்ணாடம் அடுத்த வடகரை அரசு உயர்நிலைப்பள்ளியில் படிக்கும் மாணவர்களுக்கு பெண்ணாடம் லயன்ஸ் கிளப் சார்பில் 'தினமலர் பட்டம்' இதழ் வழங்கப்பட்டு வருகிறது.

இப்பள்ளியில், புதுச்சேரி தினமலர் பட்டம் இதழ், ஆச்சார்யா கல்விக்குழுமம் சார்பில் 'பதில் சொல், பரிசு வெல்' வினாடி - வினா போட்டி நடந்தது.

முதற்கட்ட தேர்வில் அதிக மதிப்பெண் பெற்ற, 16 மாணவ, மாணவிகள் 8 குழுக்களாக பிரிக்கப்பட்டு, தகுதிச்சுற்று நடந்தது.

இதில், 9ம் வகுப்பு மாணவி மதிஒளி, பத்தாம் வகுப்பு மாணவி அர்ச்சனா, ஆகியோர் முதலிடமும், 9ம் வகுப்பு மாணவி ராகவேணி, 8 ம் வகுப்பு மாணவி தேவி இரண்டாமிடமும் பெற்றனர்.

வெற்றி பெற்ற மாணவர்களுக்கு, தலைமை ஆசிரியர் சந்திரன் சான்றிதழ், கேடயம், பதக்கம் வழங்கி பாராட்டினார். போட்டியில் பங்கேற்ற அனைத்து மாணவ, மாணவிகளுக்கும் சான்றிதழ்கள் வழங்கப்பட்டன.

பள்ளி அளவில் வெற்றிபெற்ற இரு அணிகளும் மெகா வினாடி வினா போட்டியில் பங்கேற்க தேர்வாகினர். லயன்ஸ் கிளப் தலைவர் வசந்தராஜ், மாவட்ட தலைவர் சக்திவேல், சங்க இயக்குனர் மேழிச்செல்வன், சங்க செயலாளர் (நிர்வாகம்) வினோத்குமார், ஆசிரியர்கள் பாபு, பாரி, பாலமுருகன், செல்வராணி, சுதா உட்பட பலர் பங்கேற்றனர்.