புவனகிரி தாலுகா, கிருஷ்ணாபுரம் கிராமத்தில் உள்ள ஸ்ரீதேவி பூதேவி சமேத ஸ்ரீ வரதராஜ பெருமாள் திருக்கோயில் காஞ்சி காமகோடி பீடாதிபதி மகா சுவாமிகள், மன்னார்குடி செண்டலங்கார ஜீயர் சுவாமிகள் மற்றும் பக்தர்கள் மூலம் புனரமைக்கப்பட்டது.

கோவில் கும்பாபிஷேகம் கடந்த 29ம் தேதி பல்வேறு பூஜைகளுடன் துவங்கியது. கடந்த 2 நாட்களாக பல்வேறு பூஜைகள் நடந்தன.

நேற்று காலை கோ பூஜைக்கு பின், கடம் புறப்பாடு துவங்கி காலை 9.20 மணிக்கு விமானத்தில் புனித நீர் ஊற்றி மகாகும்பாபிஷேகம் நடந்தது.

விழாவில் ஏராளமான பொதுமக்கள் பங்கேற்று சுவாமி தரிசனம் செய்தனர்.