/
உள்ளூர் செய்திகள்
/
கடலூர்
/
வாலிபரை இரும்பு கம்பியால் குத்தியவர் கைது
/
வாலிபரை இரும்பு கம்பியால் குத்தியவர் கைது
ADDED : நவ 29, 2025 05:40 AM
கிள்ளை: மது குடித்துக்கொண்டிருந்ததை தட்டிக்கேட்ட வாலிபரை, இரும்பு கம்பியால் குத்தியவரை போலீசார் கைது செய்தனர்.
சிதம்பரம் அடுத்த கீழ் அனுவம்பட்டு கிராமத்தில் உள்ள திரவுபதியம்மன் கோவில் அருகில் அதே பகுதியை சேர்ந்த ஜெகன், அஸ்வின், மதுபாலன் ஆகியோர் மது குடித்துக் கொண்டிருந் தனர்.
அப்போது, அங்கு வந்த அதே பகுதியை சேர்ந்த இளங்கோவன் என்பவருடைய மகன் சந்தோஷ், 18; கோவில் அருகில் ஏன், மது குடிக்கிறீர்கள் என தட்டிக்கேட்டார்.
இதனால் ஆத்திரமடைந்த 3 பேரும், சந்தோஷை, ஆபாசமாக திட்டி, கையில் வைத்திருந்த கூர்மையான இரும்பு கம்பியால் இடது பக்க கண்ணத்தில் குத்தி, கொலை செய்துவிடுவதாக மிரட்டியுள்ளனர்.
இதுகுறித்து, சந்தோஷ் கொடுத்த புகாரின் பேரில், கிள்ளை போலீசார் வழக்குப் பதிந்து, ஜெகனை, 25; கைது செய்தனர்.
மேலும், அஸ்வின், மதுபாலனை தேடி வரு கிறார்.

