இதில், கிடா கன்றுகள், முதிர்ந்த மாடுகள், எருமை மாடுகள் ஆகியவற்றை சேலம், நாமக்கல் மற்றும் கேரளாவை சேர்ந்த வியாபாரிகள் வாங்கிச் செல்கின்றனர். இவை அடிமாடாக இறைச்சிக்கு பயன்படுத்தப்படுகிறது. கடந்த சில மாதங்களாக சந்தைக்கு, விவசாயிகள் கறவை மாடுகளோ, விவசாய பணிக்கான காளை மாடுகளையோ வாங்க வருவதில்லை.

ஆனால், வறட்சியால் மாடுகளை விற்பனை செய்ய, விவசாயிகள் அதிகளவில் சந்தைக்கு வருகின்றனர். அதற்குரிய விலை கிடைக்-கவில்லை என்பதால் ஏமாற்றமடைந்து, மாடுகளை கிடைத்த விலைக்கு அடிமாடாக விற்பனை செய்யும் நிலை ஏற்பட்டுள்-ளது. நேற்று சந்தைக்கு அடிமாடுகள் விற்பனைக்கு அதிகம் வந்-திருந்தன. அவற்றில் பெரும்பாலானவை அடிமாடாக விற்பனை செய்யப்பட்டன.

இது குறித்து, விவசாயிகள் கூறியதாவது: நேற்று நடந்த சந்-தைக்கு, 250க்கும் மேற்பட்ட மாடுகள் கொண்டு வரப்பட்டன. தண்ணீர் மற்றும் தீவன பற்றாக்குறையால், மாடுகளை வளர்ப்-பதில் சிரமம் இருக்கிறது. மேலும், தீவனம் குறைவு காரணமாக, குறைவாகவே பால் கறக்கிறது. எனவே, வளர்த்த மாடுகளை விற்-பனை செய்ய வந்தோம். நேற்று நடந்த சந்தைக்கு கேரளாவை சேர்ந்த வியாபாரிகள் வரவில்லை. அதனால், நல்ல விலை கிடைக்கவில்லை. பிள்ளைகள் போல் வளர்த்த மாடு களையும், கன்றுகளையும் அடிமாட்டுக்கு விற்பனை செய்கிறோம்.

இவ்வாறு, அவர்கள் கூறினர்.