ஆத்துார் ஒன்றியத்தில் சின்னாளபட்டி, பெருமாள்கோவில்பட்டி, அமலிநகர், ஊத்துப்பட்டி, முருகன்பட்டி, ஏ.வெள்ளோடு உள்ளிட்ட பகுதிகளில் நுாற்றுக்கணக்கான ஏக்கரில் திராட்சை சாகுபடி நடக்கிறது.

சில வாரங்களாக பருவ கால மாற்றத்தால் அதிக வெயில், சாரல் மழை போன்றவற்றால் திராட்சை சாகுபடி வெகுவாக பாதித் துள்ளது.

திராட்சை இலைகள், பிஞ்சு உதிர்தல் மட்டுமின்றி செடியிலே பழங்கள் அழுகி வீணாகும் நிலை ஏற்பட்டது. அரசு சார்பில் சாகுபடி பாதிப்பிற்கு ஏற்ப நிவாரணம் வழங்க முன்வர வேண்டும் என விவசாயிகள் எதிர்பார்க்கின்றனர்.

விவசாயிகள் கூறுகையில், 'சமீபத்திய சாரல் மழை திராட்சை சாகுபடியில் வெகுவாக பாதித்துள்ளது. கடன் வாங்கி சாகுபடி செய்த விவசாயிகள் தவிக்கின்றனர்.

வருவாய், வேளாண் மை, தோட்டக்கலை துறையினர் அரசு நிவாரணம் விரைவில் கிடைக்க நடவடிக்கை எடுக்க வேண்டும்' என்றனர்.