இதற்கானமுகூர்த்த கால் நடும் பணி நவ.10 ல் நடந்த நிலையில் நேற்று (நவ. 29) மாலை 5:00 மணிக்கு முதற்கால வேள்வி துவங்கியது. இதில் திருவிளக்கு ஏற்றுதல், தும்பிக்கையாழ்வார் வழிபாடு, திருக்குடங்களுக்கு சக்தியை எழுந்தருள செய்தல், திருக்குடங்கள் ஆலய உலா, யாகசாலை புகுதல், வேள்வி வழிபாடு, நான்மறை ஓதுதல், நாலாயிரத்திவ்ய பிரபந்த பாராயணம், தீபாராதனை, பிரசாதம் வழங்குதல் நடைபெற்றது. இன்று (நவ. 30) காலை 8:00 மணிக்கு இரண்டாம் கால வேள்வி துவங்குகிறது.

இதில் தீபத்திருமகள் வழிபாடு, இறைவணக்கம், திருக்குடங்கள் வழிபாடு, வேள்வி வழிபாடு, நடைபெறும். மாலை 5:00 மணிக்கு மூன்றாம் கால வேள்வி துவங்கும்.

நாளை (டிச. 1) அதிகாலை 5:00 மணிக்கு நான்காம் கால வேள்வி துவங்க 6:00 மணி க்கு வேள்வி நிறைவு பெற்று தீபாராதனை நடைபெறும். காலை 6:30 மணிக்கு வேள்விச் சாலையில் இருந்து திருக்குடங்கள் எடுத்துவர காலை 6:45 மணிக்கு லட்சுமி நாராயண பெருமாள், திருச்சுற்று தெய்வங்களின் விமானங்களுக்கு கும்பாபிஷேகம் நடை பெறுகிறது.

இதை தொடர்ந்து 7:00 மணிக்கு மூலவர் லட்சுமி நாராயண பெருமாள், திருச்சூர் தெய்வ சன்னதிகளில் கும்பாபிஷேகம் நடக்க உள்ளது.