திண்டுக்கல் மணிக்கூண்டு வெள்ளை விநாயகர் கோயிலில் காலை 7:00 மணிக்கு பால், பழம், பன்னீர் உட்பட 16 வகையான சிறப்பு அபிஷேகம் நடந்தது. கணபதி ஹோமம், சிறப்பு அலங்காரம் நடைபெற்றது. திண்டுக்கல் கோபாலசமுத்திரம் 108 நன்மை தரும் விநாயகர் கோயிலில் சிறப்பு அபிஷேகம், அலங்காரம் நடை பெற்றது. இதில் திரளான பக்தர்கள் கலந்து கொண்டனர்.

திண்டுக்கல் ரயிலடி சித்தி விநாயகர், சவுராஷ்டிராபுரம் விநாயகர், வாணிவிலாஸ் மேடு கலைக்கோட்டு விநாயகர், ரவுண்ட்ரோடு கற்பக விநாயகர், கூட்டுறவு நகர் செல்வ விநாயகர் உட்பட திண்டுக்கல்லில் உள்ள அனைத்து விநாயகர் கோயில்களிலும் சிறப்பு வழிபாடுகள் நடந்தன.

நத்தம்: திருமலைக்கேணி சுப்பிரமணியசுவாமி கோயில் விநாயகர் சன்னதியில் அருகம்புல்,ரோஜா, மல்லிகை உள்ளிட்ட பல பூமாலைகள் செலுத்த சிறப்பு பூஜை, தீபாராதனை நடந்தது.

நத்தம் மாரியம்மன் கோயில் பெரிய விநாயகர், கோவில்பட்டி கைலாசநாதர் கோயில் விநாயகர், குட்டூர் உண்ணாமுலை அம்பாள் கோயில் உள்ள வலம்புரி விநாயகர், பகவதி அம்மன் கோயில் வெற்றி விநாயகர் சன்னதிகளிலும் சிறப்பு பூஜைகள் நடந்தது.