/
உள்ளூர் செய்திகள்
/
திண்டுக்கல்
/
வெண்டைக்காய் விலை இரு மடங்காக உயர்வு
/
வெண்டைக்காய் விலை இரு மடங்காக உயர்வு
ADDED : நவ 30, 2025 02:34 AM
ஒட்டன்சத்திரம்: ஒட்டன்சத்திரத்தில் வெண்டைக்காய் விலை ஒரே வாரத்தில் இரு மடங்கு அதிகரித்து கிலோ ரூ.50 க்கு விற்பனையானது.
ஒட்டன்சத்திரம் மலைப்பகுதி கிராமங்களான வடகாடு, கண்ணனுார் சுற்றிய பகுதிகளில் வெண்டைக்காய் அதிகமாக பயிரிடப்படுகிறது.
கடந்த வாரம் வரை விளைச்சல் அதிகமாக இருந்ததால் மார்க்கெட்டுக்கு வரத்தும் அதிகமாக இருந்தது. தற்போது விளைச்சல் குறைவாக இருப்பதால் மார்க்கெட்டிற்கு வரத்து குறைந்தது. தேவைக்கேற்ப வெண்டைக்காய் வரத்து இல்லாததால் விலை நாளுக்கு நாள் அதிகரித்தது . கடந்த வாரம் கிலோ ரூ.25 க்கு விற்ற வெண்டைக்காய் தற்போது கிலோ ரூ.50 க்கு விற்பனையானது.
கமிஷன் கடை உரிமையாளர் ஒருவர் கூறுகையில், இனி வரும் நாட்களில் வரத்து குறையும் வாய்ப்பு உள்ளதால் விலை இன்னும் அதிகரிக்கும் என்றார்.

