இதை தொடர்ந்து அந்தியூர் துணை மின்நிலைய உதவி செயற்பொறியாளர் அங்கப்பன் தலைமையிலான மின்வாரிய ஊழியர்கள், எலும்பு குடோனுக்கு செல்லும் மின் இணைப்பை நேற்று துண்டித்தனர். அப்போது எம்.எல்.ஏ., வெங்கடாசலம், ஊர்மக்கள் உடனிருந்தனர்.

மக்கள் மீது வழக்கு

எலும்பு குடோனை மூடக்கோரி, அந்தியூர்-பவானி ரோட்டில் நடந்த சாலை மறியலில், செம்புளிச்சாம்பாளையம், காட்டூர், வடக்காடு, கிழக்குக்காடு, பெரிய தாண்டாம்பாளையம், சின்ன தாண்டாம்பாளையம் உள்ளிட்ட பகுதிகளை சேர்ந்த, 500க்கும் மேற்பட்ட ஆண்கள், பெண்கள் ஈடுபட்டனர். இவர்கள் மீது அனுமதியின்றி சாலையை மறித்து போராட்டத்தில் ஈடுபட்டது, மக்களுக்கு இடையூறு ஏற்படுத்துதல் பிரிவுகளில், அந்தியூர் போலீசார் வழக்குப்பதிவு செய்யும் நடவடிக்கையில் ஈடுபட்டுள்ளனர்.