ஒருங்கிணைந்த விழுப்புரம் மாவட்டத்தில் அதிக விளை பொருட்கள் ஏலத்திற்கு வரும் கமிட்டியில் அரகண்டநல்லுார் மார்க்கெட் கமிட்டி தொடர்ந்து முன்னிலை வகித்து வருகிறது.

நெல், கம்பு, எள், மணிலா என அறுவடை சீசன்களில் மட்டுமே ஒரு சில மார்க்கெட் கமிட்டிகளில் வரத்து இருக்கும். ஆனால் இங்கு ஆண்டு முழுவதும் விளை பொருட்களை விவசாயிகள் கொண்டு வரும் மார்க்கெட் கமிட்டியாக உள்ளது. இதற்கு முக்கிய காரணம் விழுப்புரம் மட்டுமின்றி கள்ளக்குறிச்சி, திருவண்ணாமலை மாவட்ட விவசாயிகளும் இந்த கமிட்டியில் விளை பொருட்களை கொண்டு வந்து விற்பனை செய்கின்றனர்.

சராசரியாக மூட்டை ஒன்று 2,500 ரூபாய் வரை விலை போனது. அதிக தண்ணீர் தேவை இல்லை. அத்துடன் பூச்சி தாக்குதலும் குறைவு. அதிக லாபம் தரும் பயிராக இருப்பதால், இந்த ஆண்டு எந்த பருவத்தில் பயிர் செய்வது என்ற காலக்கெடு இன்றி, தொடர்ச்சியாக மக்காச்சோளம் பயிரிடுவதில் விவசாயிகள் ஆர்வம் காட்டி வருகின்றனர்.

இதனால் தற்பொழுது பெய்து வரும் தொடர் மழையிலும் மக்காச்சோளம் அறுவடை செய்து, மிகுந்த சிரமங்களுக்கிடையே அதனை காய வைத்து பதப்படுத்தி கமிட்டிக்கு கொண்டுவரகின்றனர். நேற்று 500 மூட்டை மக்காச்சோளம் ஏலத்திற்கு வந்தது. அதிகபட்சமாக மூட்டை ஒன்றுக்கு 1,870 ரூபாயும், குறைந்த விலையாக 1,399 ரூபாய்க்கு விற்பனையானது. சராசரி விலையாக 1,299 ரூபாயாக இருந்தது.

தொடர் மழை காரணமாக மக்காச்சோளம் தரம் குறைந்ததால், அதன் விலை குறைந்தது என வியாபாரிகள் தெரிவித்தனர். வரும் நாட்களிலும் மக்காச்சோளத்தின் வரத்து சீராக இருக்கும் என கூறப்படுகிறது.