திருக்கோவிலுாரில் கடந்த 3 நாட்களாக பட்டப்பகலில் 50க்கும் மேற்பட்ட லாரிகளில் வண்டல் மண் ஏற்றிச்செல்வதால், போக்குவரத்து பாதிக்கப்படுவதுடன் பொதுமக்களுக்கும் சிரமம் ஏற்படுகிறது. கனிம வளத்துறை மற்றும் சம்பந்தப்பட்ட துறை அதிகாரிகள் வண்டல் மண் எடுக்க அனுமதி அளித்திருப்பதாக தெரிவிக்கும் நிலையில், காலை, மாலை பள்ளி நேரத்தில் மாணவர்களும் வாகன ஓட்டிகளும் பாதிக்கப்படும் வகையில் லாரிகள் அணிவகுத்து செல்வது விபத்து அபாயத்தை உருவாக்கி உள்ளது.

ஒன்றிரண்டு லாரிகளில் வண்டல் மண் ஏற்றி சென்றால் சோதனை செய்யும் கனிமவளத் துறை, வருவாய்த்துறை மற்றும் போலீ சார் கடந்த 3 நாட்களாக பகல் நேரத்தில் 50க்கும் மேற்பட்ட லாரிகளில் மணல் ஏற்றி செல்வதை கண்டும் காணாமல் உள்ளது பல்வேறு சந்தேகத்தை ஏற்படுத்தி உள்ளது. மாவட்ட நிர்வாகம் இதில் தலையிட்டு, பகல் நேரத்தில் மணல் லாரிகள் படையெடுத்து செல்வதை தடுக்க நடவடிக்கை எடுக்க வேண்டும்.