இது குறித்து கலெக்டர் பிரசாந்த் விடுத்துள்ள செய்திகுறிப்பு;

கள்ளக்குறிச்சி மாவட்டத்தில் தமிழ் வளர்ச்சி துறை சார்பில் நாட்டிற்காக பாடுபட்ட தலைவர்களின் பிறந்த நாளன்று மாவட்ட அளவில் கல்லுாரி மற்றும் பள்ளி மாணவர்களுக்கு பேச்சு போட்டி நடத்தி பரிசு மற்றும் பாராட்டு சான்றிதழ் வழங்கப்படுகிறது. அதன்படி காந்தி, நேரு ஆகியோரின் பிறந்த நாளை முன்னிட்டு தியாகதுருகம் அரசு ஆண்கள் மேல்நிலைப் பள்ளியில் வரும் டிச., 4 மற்றும் 5ம் தேதி காலை 10 மணிக்கு பள்ளி, கல்லுாரி மாணவர்களுக்கு பேச்சு போட்டி நடக்கிறது.

இதில் வெற்றி பெறும் மாணவர்களுக்கு மாவட்ட அளவில் முதல் பரிசாக ரூ.5 ஆயிரம், இரண்டாம் பரிசு ரூ.3 ஆயிரம், மூன்றாம் பரிசு ரூ.2 ஆயிரம் மற்றும் பாராட்டு சான்றிதழ் வழங்கப்படும்.

மேலும் அரசு பள்ளி மாணவர்கள் இருவருக்கு சிறப்பு பரிசு தொகை ரூ. 2 ஆயிரம் வீதம் வழங்கப்படுகிறது.

எனவே, மாவட்டத்தில் உள்ள பள்ளி, கல்லுாரிகளில் பயிலும் மாணவ மாணவிகள் பேச்சு போட்டியில் பங்கேற்று பயன்பெறுமாறு தெரிவிக்கப்படுகிறது.

இவ்வாறு அதில் கூறப்பட்டுள்ளது.