காஞ்சிபுரம் அடுத்த, ஏனாத்துரில் உள்ள சங்கரா மருத்துவமனையில், என்.ஐ.சி.பி.,மெட்ராஸ் மெடிக்கல் இன்ஸ்டிடியூட் ஆப் டெக்னாலஜி, ஹூன்டாய் பவுன்டேஷன் சார்பில் பெண்கள், ஆண்களுக்கான புற்றுநோய், கர்ப்பிணியருக்கான சிறப்பு ஆலோசனை முகாம் நேற்று நடந்தது.

இதில், பெண்களுக்கான ரத்த அழுத்தம், சர்க்கரை அளவு, ஹீமோகுளோபின் ரத்த அளவு, கண், யூரின் ஆல்புமின், மார்பகம், கர்ப்பப்பை உள்ளிட்டவை பரிசோதனை செய்யப்பட்டு, மாதவிடாய் பிரச்னைக்கு ஆலோசனை வழங்கப்பட்டது.

கர்ப்பிணியருக்கு, கர்ப்பத்தில் உள்ள குழந்தைக்கான இதய துடிப்பு, இ.ஜி.ஜி., எக்கோ உள்ளிட்ட பரிசோதனை மற்றும் ஆலோசனை வழங்கப்பட்டது. சுகபிரசவத்திற்கான எளிய முறையிலான உடற்பயிற்சி பயிற்றுவிக்கப்பட்டது. ஆண்களுக்கு, வாய் மற்ற பாகங்களில் உள்ள கட்டிகள், விதைப்பை கட்டி, ரத்த அழுத்தம், சர்க்கரை, கண் பரிசோதனை செய்து, பல்வேறு சந்தேகங்களுக்கு சங்கரா மருத்துவமனையின் பல்வேறு மருத்துவ நிபுணர்கள் ஆலோசனை வழங்கினர். இதில், 317 பேர் பங்கேற்றனர்.

முகாமில், மருத்துவனை மேனேஜிங் டிரஸ்டி விஸ்வநாதன், சி.இ.ஓ., விஜயலக்ஷ்மி, மருத்துவர் ரிச்சர்ட், டிரஸ்டி ஸ்ரீராம், மேலாளர் நந்தகுமார் உட்பட பலர் பங்கேற்றனர்.