காஞ்சிபுரம் அடுத்த, புள்ளலுார் ஊராட்சியில் இருந்து, கணபதிபுரம் ஊராட்சிக்கு செல்லும் சாலை உள்ளது. இந்த சாலை வழியாக, புள்ளலுார் சுற்றியுள்ள அரங்கநாதபுரம், மூலப்பட்டு உள்ளிட்ட பல்வேறு கிராம மக்கள், கணபதிபுரம் வழியாக சித்துார், சேந்தமங்கலம், தக்கோலம் ஆகிய பகுதிக்கு சென்று வருகின்றனர் .

இந்த கால்வாய் குறுக்கே, விருதசீர நதி க டந்து செல்கிறது. கடந்த 2022ல் வெள்ளப்பெருக்கு ஏற்பட்ட போது, வெள்ளத்தில் தரைப்பாலம் அடித்து செல்லப்பட்டது. அதன் பின், சம்பந் தப்பட்ட நீர்வளத்துறை அதிகாரிகள் சீரமைக்கவில்லை. சில தினங்களாக, விருதசீர நதியில் வெள்ளம் பெருக்கெடுத்து ஓடுவதால், தரைப்பாலம் நீரில் மூழ்கியுள்ளது.

குறிப்பாக, ஒரு மாத த்திற்கு மேலாக தண்ணீர் பெருக்கெடுத்து ஓடுவதால், தரையில் பாசி பிடித்து வாகனங்கள் செல்லும் போது, வழுக்கி செல்கிறது.

இதனால், புள்ளலுார்- - கணபதிபுரம் இடையே, வாகனங்கள் ஊர்ந்து செல்கின்றன. எனவே, புள்ளலுார் - -கணபதிபுரம் இடையே, உயர் மட்ட பாலம் கட்டிக் கொடுக்க வேண்டும் என, வாகன ஓட்டிகள் கோரிக்கை விடுத்துள்ளனர்.