வாலாஜாபாத் பேரூராட்சி, அறிஞர் அண்ணா அரசினர் மேல்நிலைப் பள்ளியில், 'நலன் காக்கும் ஸ்டாலின்' திட்ட முகாம் நேற்று நடந்தது.

வாலாஜாபாத் பேரூராட்சி தலைவர் இல்லாமல்லி தலைமையில் நடந்த இந்நிகழ்ச்சியில், உத்திரமேரூர் தி.மு.க., - எம்.எல்.ஏ., சுந்தர் பங்கேற்று முகாமினை துவக்கி வைத்தார்.

பொது மருத்துவம், எலும்பு மூட்டு மருத்துவம், மகப்பேறு மகளிர் நல மருத்துவம், குழந்தைகள் நல மருத்துவம், இதய மருத்துவம், நரம்பியல் மருத்துவம் உள்ளிட்ட பிரிவுகளை பார்வையிட்டு, திட்ட செயல்பாடுகள் மற்றும் சிகிச்சை முறைகள் குறித்து கேட்டறிந்தார்.

அதை தொடர்ந்து, கர்ப்பிணியருக்கு ஊட்டச்சத்து பெட்டகம், மக்களைத் தேடி மருத்துவம் திட்டத்தின் கீழ் மருந்து மாத்திரைகள் பெட்டகம், தொழிலாளர் நலவாரிய அட்டை உள்ளிட்ட நலத்திட்ட உதவிகள் வழங்கப்பட்டன.

இந்த முகாமில், வாலாஜாபாத் பேரூராட்சி மற்றும் சுற்றுவட்டாரப் பகுதிகளைச் சேர்ந்த 1,392 பேர் மருத்துவ பரிசோதனை செய்துக் கொண்டனர். இதில், 145 பேர், மேல் சிகிச்சைக்கு பரிந்துரைக்கப்பட்டுள்ளனர்.

நிகழ்ச்சியில், மாவட்ட சுகாதார த் துறை அலுவலர் செந்தில், வாலாஜாபாத் ஒன்றியக் குழு துணை தலைவர் சேகர் , வாலாஜாபாத் பேரூராட்சி துணை தலைவர் சுரேஷ்குமார் உட்பட ப லர் பங்கேற்ற னர்.