காஞ்சிபுரம் அடுத்த, சிறுவாக்கம் கிராமத்தில் இருந்து, ஏரிக்கரை வழியாக மதுரா மோட்டூர் கிராமத்திற்கு செல்லும், 3 கி.மீ., சாலை உள்ளது. இந்த சாலை வழியாக மதுரா மோட்டூர் கிராம மக்கள் காரை, பரந்துார் உள்ளிட்ட பகுதிக்கு சென்று வருகின்றனர்.

அதேபோல், சிறுவாக்கம் கிராம மக்கள், மதுரா மோட்டூர், ஈஞ்சம்பாக்கம், கூரம் ஆகிய பகுதிக்கு சென்று வருகின்றனர்.

இச்சாலை கடந்த ஆண்டு முதல்வரின் சாலை விரிவாக்க திட்டத்தில், புதிய தார்ச்சாலையாக செப்பணிடப்பட்டது.

சா லையை விட சாலையோரம் இருக்கும் வயல்கள் தாழ்வாக இருப்பதால், டிராக்டர், புழுதி என, அழைக்கப் படும் நிலத்தை உழவு செய்யும் இயந்திரங்களை எடுத்து செல்லும் போது, சாலை சேதமடைந்துள்ளது.

சேதமடைந்த சாலை பகுதிகளில், வாகனங்கள் செல்லும் போது, வாகன ஓட்டிகள் நிலை தடுமாறி பள்ளத்தில் கவிழும் நிலை உள்ளது.

எனவே, சிறுவாக்கம் - மதுரா மோட்டூர் இடையே சேதம் ஏற்பட்ட பகுதிகளில், சாலையை சீரமைக்க வேண்டும் என, வாகன ஓட்டிகள் கோரிக்கை விடுத்துள்ளனர்.