வாலாஜாபாத் பேரூராட்சி, 8வது வார்டில் அண்ணாநகர் பகுதி உள்ளது.

அண்ணாநகரில், அகத்தியா மெட்ரிகுலேஷன் மேல்நிலைப் பள்ளி வழியாக செல்லும் மில் ரோடு உள்ளது.

வெள்ளேரியம்மன் கோவில், வாலாஜாபாத் ரயில் நிலையம், கிதிரிப்பேட்டை, புத்தாகரம் உள்ளிட்ட பகுதியினர், மில்ரோடு வழியை பயன்படுத்தி வாலாஜாபாத் வந்து செல்கின்றனர்.

இச்சாலை பழுதடைந்து, குண்டும், குழியுமாக உள்ளது. இதனால், இச்சாலை வழியாக வாகனங்கள் இயக்க முடியாமலும், மழை நேரங்களில் சேற்றில் சிக்கியும் வாகன ஓட்டிகள் மற்றும் பாதசாரிகள் அவதிபடுகின்றனர்.

எனவே, இச்சாலையை சீரமைக்க சம்பந்தப்பட்ட துறையினர் நடவடிக்கை எடுக்க வேண்டும் என, வாகன ஓட்டிகள் கோரிக்கை விடுத்துள்ளனர்.