/
உள்ளூர் செய்திகள்
/
காஞ்சிபுரம்
/
சொத்து பிரச்னையால் தகராறு மூதாட்டியை தாக்கிய மூவர் கைது
/
சொத்து பிரச்னையால் தகராறு மூதாட்டியை தாக்கிய மூவர் கைது
சொத்து பிரச்னையால் தகராறு மூதாட்டியை தாக்கிய மூவர் கைது
சொத்து பிரச்னையால் தகராறு மூதாட்டியை தாக்கிய மூவர் கைது
ADDED : நவ 29, 2025 04:48 AM
மதுரவாயல்: சொத்து பிரச்னையில், மூதாட்டியை தாக்கிய பெண்கள் உட்பட மூவரை போலீசார் கைது செய்தனர்.
மதுரவாயல், பூந்தமல்லி நெடுஞ்சாலை பகுதியைச் சேர்ந்தவர் சீமாத்தான். இவரது மனைவி கிருஷ்ணவேணி, 62. முதல் மனைவி இறந்த நிலையில், கிருஷ்ணவேணியை இரண்டாவதாக சீமாத்தான் திருமணம் செய்துள்ளார். இவர்களது மகள் முருகேஸ்வரி.
கடந்த 2014ல் சீமாத்தான் உயிரிழந்தார். இதையடுத்து, கிருஷ்ணவேணி வசிக்கும் வீட்டின் மீது, அவரது முதல் மனைவியின் மகன் பாலசுந்தரம்,53 மற்றும் இரண்டு மகள்கள் உரிமை கோரி நீதிமன்றத்தில் வழக்கு தொடர்ந்தனர்.
தற்போது, வழக்கில் கிருஷ்ணவேணிக்கு ஆதரவாக தீர்ப்பு வந்துள்ளது. இதையடுத்து, நேற்று முன்தினம், கிருஷ்ணவேணி வீட்டை புதுப்பிக்கும் பணியில் ஈடுபட்டார்.
அப்போது, அங்கு வந்த பாலசுந்தரம், அவரதுமனைவி ஆதிலட்சுமி மற்றும் சகோதரி கற்பகம்ஆகியோர், கிருஷ்ணவேணியிடம் தகராறில் ஈடுபட்டுள்ளனர். தகராறுமுற்றவே, கிருஷ்ணவேணியையும், அவரது மகள் முருகேஸ்வரியையும், மூவரும் சேர்ந்து தாக்கியுள்ளனர். காயமடைந்த இருவரும், மதுரவாயல் காவல் நிலையத்தில் புகார் அளித்தனர்.
விசாரித்த போலீசார், பெண் வன்கொடுமை தடுப்பு சட்டத்தில் வழக்கு பதிந்து, பாலசுந்தரம், ஆதிலட்சுமி, 49, திருவேற்காடைச் சேர்ந்த கற்பகம், 56, ஆகியோரை, நேற்று கைது செய்து சிறையில் அடைத்தனர்.

