அதேபோல், பகுஜன் சமாஜ் கட்சி, த.வெ.க., விடுதலை சிறுத்தைகள் கட்சி, புரட்சி பாரதம், பட்டியல் இன விடுதலை பேரவை, ஆதிதமிழர் முன்னேற்ற கழகம், தமிழ்புலிகள் கட்சி, உள்ளிட்ட, பல்வேறு அமைப்புகள் சார்பிலும், டாக்டர் அம்பேத்கர் உருவப்படத்துக்கு, மாலை அணிவித்து மரியாதை செலுத்தப்பட்டது.* கிருஷ்ணராயபுரம் மேற்கு ஒன்றியத்தில், விடுதலை சிறுத்தைகள் கட்சி சார்பில், அம்பேத்கர் உருவப்படத்திற்கு மாலை அணிவித்து, மரியாதை செலுத்தும் நிகழ்ச்சி நடந்தது. கிருஷ்ணராயபுரம் மேற்கு ஒன்றிய விடுதலை சிறுத்தைகள் கட்சி செயலாளர் மகாமுனி என்ற வன்னியரசு தலைமை வகித்தார். இதில், பாலராஜபுரம் பஞ்., வீரராக்கியம், பழைய ஜெயங்கொண்டம், ஆகிய இரண்டு இடங்களில், அம்பேத்கர் நினைவு தினத்தையொட்டி, அவரது உருவ படத்திற்கு மாலை அணிவித்து மரியாதை செலுத்தப்பட்டது. பழைய ஜெயங்கொண்டம் நகர செயலாளர் முருகேசன், வீரராக்கியம் கிளை செயலாளர் மலையாளம், மாவட்ட அமைப்பாளர்கள் லோகநாதன், அன்பரசன், பிரபாகரன் உள்பட பலர் கலந்து கொண்டனர்.