தேன்கனிக்கோட்டை, கிருஷ்ணகிரி மாவட்டம், ஓசூர் அருகே பாகலுார் ஸ்டேஷன் எஸ்.ஐ., கணேஷ்பாபு மற்றும் போலீசார், நேற்று முன்தினம் ரோந்து பணியில் ஈடுபட்டிருந்தனர். அப்போது, பாகலுார் பஸ் ஸ்டாண்ட் முன், நாம் தமிழர் கட்சியின் சார்பில், மாவீரர் நாள் மாநாடு தொடர்பாக, அரசால் தடை செய்யப்பட்ட மறைந்த விடுதலைப்புலிகள் தலைவர் பிரபாகரன் உருவப்படத்துடன் கூடிய பேனர், முன் அனுமதி பெறாமல் வைத்திருப்பது தெரிந்தது. அது தொடர்பாக, பாகலுார் தேர்ப்பேட்டையை சேர்ந்த நா.த.க., மாநில இளைஞர் பிரிவு அமைப்பாளர் முருகன், 40, மீது வழக்குப்பதிவு செய்யப்பட்டது.