இது குறித்து அவர் வெளியிட்ட அறிக்கை:

கிருஷ்ணகிரி மாவட்டத்தில், வாக்காளர் பட்டியல் சிறப்பு தீவிர திருத்தப்பணிகள் நடந்து வருகிறது.

கடந்த, 4 முதல், வீடு வீடாக கணக்கெடுப்பு படிவங்கள் ஓட்டுச்சாவடி நிலை அலுவலர்களால் வழங்கப்பட்டு, வாக்காளர்கள் கணக்கெடுப்பு படிவங்களை பூர்த்தி செய்து சம்பந்தப்பட்ட ஓட்டுச்சாவடி நிலை அலுவலர்களிடம் ஒரு படிவத்தை கையொப்பமிட்டு திரும்ப வழங்க வேண்டும். இந்த பணிகளுக்காக இன்று (29ம் தேதி) மற்றும் நாளையும் மாவட்டத்தில் உள்ள, 1,096 ஓட்டுச்சாவடி மையங்களில் வாக்காளர்களுக்கு உதவ உதவி மையங்கள் அமைக்கப்பட்டுள்ளன.

வாக்காளர்களுக்கு கணக்கீட்டு படிவங்களை பூர்த்தி செய்வதில் சந்தேகம் இருப்பின், தாங்கள் வாக்களிக்கும் ஓட்டுச்சாவடி உதவி மையங்களை அணுகி படிவங்களை பூர்த்தி செய்து அங்கேயே திரும்ப ஒப்படைக்கலாம். இவ்வாறு அவர் தெரிவித்துள்ளார்.